Kaxxa għall-​Mistoqsija

◼ Għadu xieraq li jsiru studji tal-​Bibbja m’aħwa inattivi taħt id-​direzzjoni taʼ wieħed mill-​membri tal-​Kumitat tas-​Servizz tal-​Kongregazzjoni?

L-​anzjani għandhom ir-​responsabbiltà li jirgħu l-​kongregazzjoni, inkluż kwalunkwe membru li jkun sar inattiv. Huma jżuru lil uħud bħal dawn u jiddeterminaw liema assistenza persunali tinħtieġ. Fejn ikun xieraq, dan jistaʼ jinkludi li l-​benefiċċju taʼ studju persunali tal-​Bibbja jiġi offrut lill-​wieħed inattiv. Il-​ktieb Organized to Accomplish Our Ministry, paġna 103, jispjega li l-​Kumitat tas-​Servizz tal-​Kongregazzjoni jistaʼ jiddeċiedi min jistaʼ jibbenefika minn provvediment bħal dan.

L-indokratur tas-​servizz jiddetermina min jistaʼ jkun l-​aħjar individwu biex jipprovdi l-​assistenza, liema suġġetti għandhom jiġu studjati, u liema pubblikazzjoni se tkun l-​iktar t’għajnuna. Forsi l-​wieħed li studja maʼ l-​individwu oriġinalment jew xi ħadd li hu kien jaf u jirrispetta se jkun f’pożizzjoni tajba biex jgħinu. Oħt kapaċi u matura tistaʼ tintalab tgħin lil oħt inattiva. Ġeneralment ma jkunx hemm bżonn li pubblikatur ieħor imur maʼ dak li jikkonduċi l-​istudju. Meta jiġi assenjat, il-​pubblikatur li jikkonduċi l-​istudju jistaʼ jgħodd il-​ħin, iż-​żjajjar lura, u l-​istudju.​—Ara l-​Our Kingdom Ministry taʼ Novembru 1987, paġni 1-2.

Peress li l-​istudent huwa individwu mgħammed, ġeneralment l-​istudju ma jkollux għalfejn jitkompla għal perijodu mtawwal taʼ żmien. Il-​mira hija li l-​wieħed inattiv jiġi megħjun biex jerġaʼ jibda jattendi l-​laqgħat kollha tal-​kongregazzjoni u biex isir pubblikatur regulari taʼ l-​aħbar tajba. L-​indokratur tas-​servizz se jikkontrolla l-​progress taʼ studji bħal dawn. Ir-​riżultat taʼ din l-​assistenza kollha mħabba għandu jkun li dawn l-​aħwa jkunu jistgħu jerfgħu fuq spallejhom it-​tagħbija taʼ responsabbiltà tagħhom stess quddiem Jehovah u jsiru ‘mniżżlin fl-​għeruq u mibnijin’ fis-​sod fil-​verità.​—Efes. 3:17; Gal. 6:5.