Indokraturi li Huma minn taʼ Quddiem—Dak li Jikkonduċi l-​Istudju tat-​Torri taʼ l-​Għassa

¹ It-​Torri taʼ l-​Għassa Jħabbar is-​Saltna taʼ Jehovah huwa l-​provvediment ewlieni taʼ l-​“irsir leali u diskret” biex iqassmilna ikel spiritwali “fiż-​żmien xieraq.” (Mt. 24:​45, NW) L-​anzjan li jikkonduċi l-​Istudju tat-​Torri taʼ l-​Għassa għandu responsabbiltà vitali bħala għalliem kapaċi li jagħti eżempju mill-​aħjar t’għajxien Kristjan.​—Rum. 12:7; Ġak. 3:1.

² Biex jgħallem b’mod effettiv, dak li jikkonduċi l-​Istudju tat-​Torri taʼ l-​Għassa għandu jagħmel sforz mill-​aħjar biex jippreparah kull ġimgħa. Dan jagħmlu bit-​talb u bir-​reqqa. L-​interess ħerqan tiegħu fil-​kongregazzjoni huwa rifless fi sforz ġenwin biex jilħaq lil qlubna bil-​materjal li jkun qed jiġi studjat. Hu jikkonċentra fuq il-​punti prinċipali tal-​lezzjoni u jgħinna naraw kif dawn għandhom x’jaqsmu mat-​tema taʼ l-​artiklu.

³ Preparazzjoni bir-​reqqa min-​naħa tiegħu tinvolvi li jfittex l-​iskritturi minn qabel sabiex ikun jaf kif japplikaw. Jagħti prominenza lill-​Kelma t’Alla billi jinkuraġġixxi lill-​kongregazzjoni biex tuża l-​Bibbja tajjeb matul l-​istudju. Meta xi punt importanti ma jintlaħaqx fil-​kummenti mill-​kongregazzjoni jew meta l-​applikazzjoni taʼ l-​iskrittura tal-​qofol tinqabeż, hu jsaqsi iżjed mistoqsijiet speċifiċi biex joħroġ l-​informazzjoni. B’dan il-​mod, hu jgħinna naslu għal konklużjonijiet tajbin u nsiru nafu kif napplikaw dak li nitgħallmu f’ħajjitna.

⁴ Dak li jikkonduċi l-​Istudju tat-​Torri taʼ l-​Għassa jistinka b’mod progressiv biex itejjeb l-​abbiltà tiegħu stess li jgħallem. Ma jikkummentax iżżejjed imma jinkuraġġixxi lilna biex nikkummentaw​—fi kliemna stess, fil-​qosor, u li nolqtu l-​punt. Xi kultant jistaʼ jfakkarna li l-​ewwel wieħed li jikkummenta fuq xi paragrafu għandu jagħti tweġiba qasira u diretta għall-​mistoqsija stampata. Kummenti oħrajn mill-​udjenza jistgħu jiġbdu l-​attenzjoni lejn l-​applikar taʼ xi skrittura, xi argumenti t’appoġġ, jew lejn l-​applikar prattiku tal-​materjal. Billi jinkuraġġixxi l-​preparazzjoni persunali u bħala familja, dak li jikkonduċi l-​Istudju tat-​Torri taʼ l-​Għassa jistinka biex iqajjem f’kulħadd ix-​xewqa li jieħu sehem.

⁵ Bħala persuni ‘mgħallmin mill-​Mulej,’ aħna napprezzaw ‘doni fi bnedmin,’ bħalma huma dawk li jikkonduċu l-​Istudju tat-​Torri taʼ l-​Għassa, li “jagħmlu x-​xogħol . . . tat-​tagħlim.”​—Is. 54:13; Efes. 4:​8, 11; 1 Tim. 5:​17.