Nistudjaw Il-​Profezija taʼ Danjel

¹ Mill-​ġimgħa li tibda fis-​17 t’April, aħna se nistudjaw Oqgħod Attent għall-​Profezija taʼ Danjel! fl-​Istudju tal-​Ktieb tal-​Kongregazzjoni. Ħafna diġà qrawh dan il-​ktieb interessanti ferm, imma issa għandna l-​opportunità li ngawdu l-​benefiċċji li jiġu minn diskussjoni tal-​materjal bħala grupp. Il-​pubblikaturi, l-​uħud interessati, u t-​tfal kollha huma mistidnin, iva, inkuraġġiti, biex ikunu preżenti kull ġimgħa għal dan l-​istudju fil-​fond tal-​ktieb Bibliku taʼ Danjel.—Dt. 31:​12, 13.

² L-​Iskeda u l-​Istruzzjonijiet taʼ l-​Istudju: L-​iskeda sħiħa taʼ l-​istudju għall-​ktieb Il-​Profezija taʼ Danjel hija preżentata f’din il-​ħarġa taʼ Il-​Ministeru tas-​Saltna. Kun żgur li żżomm kopja mal-​ktieb tiegħek taʼ l-​istudju. L-​iskeda turi l-​kapitlu u l-​paragrafi mill-​ktieb kif ukoll il-​versi minn Danjel li jkunu se jiġu diskussi f’kull sessjoni tal-​ġimgħa. In-​noti taʼ taħt jispjegaw kif u meta ċertu materjal fil-​ktieb ikun se jiġi kunsidrat. Fil-​konklużjoni taʼ kull studju tal-​ġimgħa, dak li jikkonduċi l-​istudju huwa inkuraġġit li jirrevedi mal-​grupp il-​versi speċifiċi minn Danjel li jkunu mniżżlin fl-​iskeda għal dik il-​ġimgħa. Skond ma jippermetti l-​ħin, il-​versi jistgħu jinqraw u jsiru xi kummenti fuqhom. Xi versi se jestendu minn ġimgħa għal oħra minħabba li nkunu se nkomplu nikkunsidraw l-​applikar tagħhom.

³ Ipprepara għal Studju bir-​Reqqa: Sar sforz sabiex ikun hemm ħin biżżejjed biex kull ġimgħa tistaʼ ssir diskussjoni mingħajr għaġla dwar il-​materjal assenjat. Erbaʼ lezzjonijiet huma pjuttost qosra. Għaldaqstant, fl-​aħħar taʼ l-​istudju għall-​ġimgħa tal-​5 taʼ Ġunju, dak li jikkonduċi l-​istudju jistaʼ jinkludi reviżjoni taʼ Danjel 2:​1-40. Għall-​ġimgħa tas-​26 taʼ Ġunju, hu jistaʼ jirrevedi Danjel 3:​1-23, 91(24)-97(30), [3:​1-30, NW]. Il-​ġimgħa taʼ l-​4 taʼ Settembru għandha tinkludi diskussjoni bir-​reqqa dwar l-​istampi u l-​iskritturi f’paġna 139. It-​tabella f’paġni 188 u 189 għandha tiġi diskussa fl-​istudju tal-​ġimgħa tat-​2 t’Ottubru.

⁴ Kull ġimgħa pprepara sew għall-​istudju, u ħu gost f’li tipparteċipa fih. Apprezza l-​privileġġ li għandek li tassoċja maʼ l-​organizzazzjoni viżibbli taʼ Jehovah u li tibbenefika mid-​dehen u mill-​fehma provduti mill-​uħud midlukin u leali tiegħu. (Dan. 12:​3, 4) Inkuraġġixxi bil-​ħlewwa lil oħrajn sabiex jattendu għall-​istudju tal-​ktieb regolarment. Jalla lkoll kemm aħna noqogħdu attenti għall-​kelma profetika t’Alla kif inhi rivelata fil-​ktieb impressjonanti taʼ Danjel.—Lhud 10:​23-25; 2 Pt. 1:19.