Nibnu l-​Apprezzament għall-​Bibbja mill-​Vidjo The Bible—Mankind’s Oldest Modern Book

Il-​mistoqsijiet li ġejjin jenfasizzaw il-​punti li forsi int osservajt meta rajt dan il-​vidjo: (1) Liema fatti jiddistingwu l-​Bibbja bħala li m’hawnx bħalha? (2) Agħti eżempju dwar kif il-​Bibbja, għalkemm hija antika, taqbel max-​xjenza moderna. (3) Kif nistgħu nkunu ċerti li l-​Bibbja tal-​lum ma nbidlitx mill-​kitbiet oriġinali? (4) Liema hi karatteristika importanti li għandha x’taqsam mal-​kitba tal-​manuskritti Bibliċi antiki, u x’fiduċja jnissel dan ġewwa fik? (5) B’liema modi John Wycliffe, Johannes Gutenberg, William Tyndale, Mary Jones, u Charles Taze Russell taw is-​sehem tagħhom f’li jxerrdu l-​Kelma t’Alla mad-​dinja kollha? (6) Il-​knisja kif opponiet bl-​aħrax il-​Bibbja, imma x’kien li żammha tibqaʼ teżisti sal-​lum? (7) Sa liema punt l-​organizzazzjoni taʼ Jehovah ttraduċiet u pproduċiet il-​Bibbji? (8) Il-​pariri prattiċi tal-​Bibbja kif għenu lin-​nies ikampaw mal-​problemi tal-​logħob taʼ l-​ażżard ossessjonat (1 Tim. 6:​9, 10), is-​separazzjonijiet u l-​infedeltà fiż-​żwieġ (1 Kor. 13:​4, 5; Efes. 5:​28-33), u l-​ansjetà fuq l-​għana materjali (Mt. 16:26)? (9) X’evidenza hemm li jekk jiġu applikati l-​prinċipji Skritturali tistaʼ tingħeleb il-​mibegħda nazzjonali, etnika, u razzjali fid-​dinja? (10) F’liema modi ksibt ferħ akbar hekk kif tgħallimt dak li fiha l-​Bibbja? (11) Min taħseb li jistaʼ jibbenefika minn dan il-​vidjo, u kif se tippreżentah?