Kemm Tiekol Sew Spiritwalment?
1 Intqal li ‘aħna nkunu skond dak li nieklu.’ Verament, is-saħħa fiżika tagħna tiġi effettwata minn dak li mdorrijin nieklu. Peress li Ġesù qal: “Il-bniedem mhux bil-ħobż biss jgħix, iżda b’kull kelma li toħroġ minn fomm Alla,” dak li aħna mdorrijin nieklu spiritwalment jistaʼ jeffettwana jew għat-tajjeb jew għall-ħażin. (Mt. 4:4) Mela, kemm tiekol sew spiritwalment? Int fitt fl-ikel? Taħtfu l-ikel? Jew tieħu pjaċir tqattaʼ l-ħin biex tgawdi ikliet spiritwali regulari, bilanċjati, u li jsostnuk?
2 Eżamina d-Dieta Tiegħek: Jehovah jipprovdi “ikel fiż-żmien xieraq” u “mejda b’ikel fin,” permezz taʼ “l-ilsir leali u diskret.” (Mt. 24:45, NW; Is. 25:6) Biex nibbenefikaw bis-sħiħ minn dawn il-provvedimenti taʼ mħabba, irridu nagħmlu sforz biex nieklu sew spiritwalment.
3 Forsi tistaʼ tistaqsi lilek innifsek: ‘Naqrahom dejjem l-iskrittura u l-kummenti taʼ kuljum? Naqra kuljum mill-Bibbja u nimmedita fuqha? Nipprepara għal-laqgħat tal-kongregazzjoni billi nistudja l-materjal minn qabel? Qrajthom l-aħħar pubblikazzjonijiet li ħarġu, flimkien maż-żewġ volumi taʼ Il-Profezija taʼ Isaija—Dawl għall-Bnedmin Kollha?’
4 Ġesù wiegħed: “Henjin [“huma dawk konxji tal-bżonn spiritwali tagħhom,” NW] . . . Henjin dawk li huma bil-ġuħ u l-għatx tal-ġustizzja, għax huma jkunu mxebbgħin.” (Mt. 5:3, 6) Mela kul sew spiritwalment billi timla ’l moħħok u ’l qalbek bl-għarfien t’Alla.