X’Inhi l-Mira?
1 Għala nikkonduċu studji tal-Bibbja fid-djar? Qegħdin nagħmluhom biss biex nagħtu l-għarfien, intejbu l-ħajjiet tan-nies, jew biex ngħinuhom ikollhom ħarsa isbaħ lejn il-futur? Le. Il-mira ewlenija tagħna hi li nagħmlu dixxipli taʼ Ġesù Kristu! (Mt. 28:19; Atti 14:21) Huwa għalhekk li dawk li nistudjaw magħhom għandhom bżonn jissieħbu mal-kongregazzjoni. Il-progress spiritwali tagħhom jiddependi direttament mill-apprezzament tagħhom għall-organizzazzjoni Kristjana.
2 Kif Niksbuha: Mill-bidunett taʼ l-istudju, ħeġġeġ kontinwament lill-istudent biex jattendi l-laqgħat tal-kongregazzjoni. (Lhud 10:24, 25) Spjegalu kif dawn se jsaħħulu l-fidi, se jgħinuh jagħmel ir-rieda t’Alla, u se jipprovdulu sħubija bnina m’oħrajn li bħalu jixtiequ jfaħħru ’l Jehovah. (Salm 27:13; 32:8; 35:18) L-imħabba u l-apprezzament li int tesprimi personalment lejn il-kongregazzjoni u l-laqgħat se jqanqlulu x-xewqa biex jattendi.
3 Uħud ġodda għandhom bżonn jifhmu li l-organizzazzjoni taʼ Jehovah hija fratellanza internazzjonali. Urihom il-vidjos Jehovah’s Witnesses—The Organization Behind the Name (Ix-Xhieda taʼ Jehovah—L-Organizzazzjoni Wara l-Isem) u Our Whole Association of Brothers (Il-Fratellanza Kollha Tagħna). Għinhom japprezzaw il-fatt li Jehovah qed juża miljuni taʼ nies dedikati madwar id-dinja sabiex iwettqu r-rieda tiegħu. Għarraf lil dawn l-uħud ġodda li huma wkoll mistidnin biex jaqdu ’l Alla.—Is. 2:2, 3.
4 Iġib ferħ bla qies li tara student tal-Bibbja jsir dixxiplu veru taʼ Ġesù. Din hija l-mira tagħna!—3 Ġw. 4.