Nibbenefikaw bis-​Sħiħ mill-​Konvenzjoni Distrettwali “Proklamaturi Żelużi tas-​Saltna”

¹ Programm li Jsaħħaħna: Xi programm inkuraġġanti gawdejna fil-​konvenzjoni distrettwali li kellna dan l-​aħħar. Ilkoll konna miġburin għall-​istess skop, ħalli nsiru mgħammrin aħjar biex nipproklamaw b’mod żeluż is-​Saltna t’Alla. Tiftakar kif l-​ewwel kelliemi fisser il-​kelma “nipproklamaw”? Tiftakar liema riċerka ġejna inkuraġġiti nagħmlu fit-​taħdita “Ma Nibżgħux għax Nafu li Jehovah Qiegħed Magħna”? Liema rakkonti li ġraw vera eżaminajt int s’issa?

² Is-​serje taʼ taħditiet “Il-​Kwalità tal-​Fidi Tagħna Mġarrba b’Diversi Provi” tat tliet raġunijiet prinċipali għala Jehovah jippermetti l-​persekuzzjoni. Taf tispjega x’inhuma? X’inhi l-​bażi Skritturali għan-​newtralità Kristjana tagħna? X’ġejna inkuraġġiti nagħmlu biex nippreparaw ruħna għall-​isfidi li jinqalgħu minħabba l-​pożizzjoni newtrali tagħna? Il-​fatt li nissaportu l-​provi fedelment kif iġib tifħir lil Jehovah?

³ Liema xeni mid-​drama “Ibqgħu Sodi fi Żmien taʼ Inkwiet” saħħewk b’mod speċjali? Kif nistgħu nkunu bħal Ġeremija?

⁴ It-​taħdita pubblika, “Ix-​Xena taʼ Din id-​Dinja Qiegħda Tinbidel,” iddeskriviet liema bidliet sinifikanti li dalwaqt se naraw u li se jseħħu preċiż qabel il-​jum t’Alla li jispira l-​biżaʼ? Waqt li kont qed tismaʼ l-​aħħar taħdita, “Furu bl-​Għemejjel Tajbin Bħala Proklamaturi Żelużi tas-​Saltna,” kif irbatt l-​informazzjoni mal-​ministeru persunali tiegħek?

⁵ Punti Prinċipali biex Napplikawhom: Bħalma ġie spjegat fit-​taħdita “Uri Gratitudni,” kif nistgħu nesprimu kemm hija profonda l-​gratitudni tagħna lejn Jehovah? Fit-​taħdita prinċipali, “Il-​Proklamaturi tas-​Saltna Għandhom Żelu Jaħraq bħan-​Nar,” iż-​żelu taʼ min ġejna inkuraġġiti nimitaw? Liema eżami persunali ġejna mitluba nagħmlu?

⁶ Fis-​serje taʼ taħditiet “Il-​Profezija taʼ Mikea Ssaħħaħna biex Nimxu f’Isem Jehovah” ġew enfasizzati liema tliet ħtiġijiet li rridu nwettqu biex ikollna l-​favur taʼ Jehovah? Huma dawn impossibbli biex jintlaħqu? (Mik. 6:8) Skond it-​taħdita “Ibqaʼ Safi billi Tħares lil Qalbek,” b’liema modi għandna nibqgħu nodfa moralment? It-​taħdita “Għasses Kontra l-​Qerq” f’liema oqsma wissietna biex ma niġux imqarrqin u biex ma nqarrqux b’oħrajn?

⁷ Liema punti prattiċi mis-​serje taʼ taħditiet “Proklamaturi tas-​Saltna li Jigglorifikaw il-​Ministeru Tagħhom” bdejt tapplika fil-​ministeru tiegħek? Fit-​taħdita “Konversazzjoni Spiritwali Tibnina,” ġie analizzat Filippin 4:8. Din l-​iskrittura kif tgħinna biex il-​konversazzjonijiet tagħna nagħmluhom spiritwali, u meta għandna nagħmluh dan?

⁸ It-​taħdita “Afda f’Jehovah Għalkollox fi Żmien l-​Inkwiet” iddiskutiet kif nistgħu nkampaw maʼ ġrajjiet traġiċi, diffikultajiet finanzjarji, nuqqas taʼ saħħa, problemi tal-​familja, u dgħjufijiet persistenti. Kif nistgħu nuru l-​fiduċja f’Jehovah meta niffaċċjaw dawn is-​sitwazzjonijiet?

⁹ Teżori Spiritwali Ġodda: Kemm fraħna meta rċivejna l-​ktieb il-​ġdid Qim lill-​Uniku Alla Veru. Kif effettwak l-​avviż li spjega l-​iskop taʼ dan il-​ktieb? Għala se jkun t’għajnuna fix-​xogħol tagħna li nagħmlu dixxipli bħala t-​tieni ktieb taʼ studju?

¹⁰ Imbagħad irċivejna l-​ktieb mill-​isbaħ Draw Close to Jehovah (Ersaq Qrib Lejn Jehovah). X’inhuma xi karatteristiċi speċjali tiegħu? Liema stampi laqtuk l-​iktar? Għenek il-​qari taʼ dan il-​ktieb biex tersaq eqreb lejn Jehovah? Min jistaʼ wkoll jibbenefika minnu?

¹¹ Il-​Konvenzjoni Distrettwali “Proklamaturi Żelużi tas-​Saltna” pprovditilna l-​inkuraġġiment spiritwali li għandna bżonn biex niffaċċjaw dawn iż-​żminijiet diffiċli. Sabiex nibbenefikaw bis-​sħiħ minn dan il-​provvediment spiritwali taʼ l-​għaġeb, jalla nagħmlu dak kollu li nistgħu biex niftakru xi ntqal, napprezzaw dak li rċivejna, u napplikaw dak li tgħallimna. (2 Pt. 3:14) Il-​fatt li nagħmlu dan se jsaħħaħna biex inżommu l-​integrità tagħna u biex inkunu proklamaturi żelużi tas-​Saltna hekk kif nimitaw lil Sidna Ġesù Kristu, u dan kollu għall-​glorja taʼ Jehovah.—Flp. 1:​9-11.