Għin lill-​Indokratur taʼ l-​Istudju tal-​Ktieb Tiegħek

¹ Ilkoll kemm aħna niksbu bosta benefiċċji mill-​Istudju tal-​Ktieb tal-​Kongregazzjoni. Ix-​xahar l-​ieħor iddiskutejna kif l-​indokratur taʼ l-​Istudju tal-​Ktieb tal-​Kongregazzjoni jwettaq l-​irwol tiegħu. Iżda x’nistgħu nagħmlu biex ngħinuh u b’hekk nibbenefikaw kemm aħna kif ukoll oħrajn?

² Attendi Kull Ġimgħa: Minħabba li l-​gruppi taʼ l-​istudju tal-​ktieb jinżammu żgħar, il-​preżenza tiegħek tagħmel differenza. Agħmilha l-​mira tiegħek li tattendi kull ġimgħa. Tistaʼ tgħin ukoll billi tkun puntwali, għaliex dan jippermetti lill-​indokratur jibda l-​laqgħa bl-​ordni.—1 Kor. 14:40.

³ Kummenti li Jibnu: Mod ieħor kif tistaʼ tgħin hu billi tkun preparat sew u billi tagħmel kummenti li jibnu. Il-​kummenti li jiffokaw fuq punt wieħed biss ġeneralment ikunu l-​aħjar, u dawn jinkuraġġixxu lil oħrajn biex jikkummentaw ukoll. Meta tikkummenta, tipprovax tinkludi dak kollu li hemm fil-​paragrafu. Jekk xi punt fil-​materjal jolqtok ħafna, ħawwar id-​diskussjoni billi taqsam il-​ħsieb tiegħek permezz taʼ kumment.—1 Pt. 4:10.

⁴ Jekk għandek il-​privileġġ li taqra l-​paragrafi għall-​benefiċċju tal-​grupp, kun ħabrieki meta twettaq dan l-​inkarigu. Qari tajjeb jgħin biex l-​istudju jirnexxi.—1 Tim. 4:13.

⁵ L-​Għoti taʼ Xiehda Bħala Grupp: Il-​laqgħat għas-​servizz taʼ l-​għalqa jinżammu f’ħafna lokalitajiet taʼ l-​istudju tal-​ktieb, u l-​appoġġ tiegħek f’dawn l-​arranġamenti jgħin lill-​indokratur hekk kif hu jieħu t-​tmexxija fix-​xogħol taʼ l-​evanġelizzar. Ħares lejn dawn l-​arranġamenti bħala opportunitajiet biex tersaq eqreb taʼ ħutek u tibnihom.

⁶ Ir-​Rapporti tas-​Servizz taʼ l-​Għalqa: Mod ieħor kif tgħin lill-​indokratur hu billi tagħti fil-​ħin ir-​rapport tas-​servizz tiegħek fl-​aħħar taʼ kull xahar. Ir-​rapport tiegħek tistaʼ tagħtih direttament lilu jew inkella titfgħu fil-​kaxxa li qiegħda apposta għar-​rapporti tas-​servizz fis-​Sala tas-​Saltna. Is-​segretarju jistaʼ juża l-​kaxxa biex jiġbor ir-​rapporti tas-​servizz taʼ l-​għalqa li jkunu diġà nġabru mill-​indokraturi taʼ l-​istudju tal-​ktieb.

⁷ Il-​kooperazzjoni tiegħek maʼ l-​indokratur taʼ l-​Istudju tal-​Ktieb tal-​Kongregazzjoni tiegħek se tiġi notata. Fuq kollox, tistaʼ tibqaʼ ċert li Jehovah se jkun ‘maʼ l-​ispirtu li turi.’—Flp. 4:​23, “NW.”