X’Nistgħu Ngħidu dwar ir-​Rivisti

It-​Torri taʼ l-​Għassa 15 t’Awis.

“Ħafna nies japprezzaw il-​fatt li jkollhom reputazzjoni tajba. Xi wħud saħansitra jaħsbu dwar kif se jiftakarhom ħaddieħor meta jmutu. Qatt ħsibt dwar dan? [Agħti ċans għal tweġiba. Imbagħad aqra Koħèlet 1:7.] It-​Torri taʼ l-​Għassa jiddiskuti dwar kif nistgħu niksbu fama tajba kemm mal-​bnedmin kif ukoll m’Alla.”

It-​Torri taʼ l-​Għassa 1 taʼ Sett.

“Ħafna nies iħossu li d-​diversi reliġjonijiet tal-​bnedmin huma sempliċement toroq differenti li jwasslu għall-​istess mira. Oħrajn jemmnu li reliġjon waħda biss hemm li hija tajba. Ġieli ħsibt dwar dan? [Agħti ċans għal tweġiba.] Din ir-​rivista teżamina parabbola tal-​qedem li tgħinek tifhem it-​tweġiba għal din il-​mistoqsija.” Irreferi għal Mattew 13:​24-30.

Stenbaħ! 8 taʼ Sett.

“Ix-​xejriet tal-​moda jinfluwenzaw ħafna l-​ħajjiet taʼ bosta nies illum. Xi wħud iħossu li jsir wisq enfasi fuq x’jilbsu u kif jidhru n-​nies. Int x’taħseb? [Agħti ċans għal tweġiba.] Stenbaħ! jippreżenta ħarsa bilanċjata lejn il-​moda.” Aqra Kolossin 3:12.