Jehovah Jgħin lil Dawk li Jafdaw Fih
1 Ħafna nies iqisu l-flus, il-poter, u l-kapaċità tal-bniedem bħala l-qofol tas-suċċess. (Salm 12:5 [12:4, New World Translation];Salm 33:16, 17; 49:7 [49:6, NW]) Madankollu, lil dawk li jibżgħu minn Jehovah u jafdaw fih, il-Bibbja tassigurahom li “hu l-għajnuna u t-tarka tagħhom.” (Salm 115:11) Ejja nikkunsidraw żewġ oqsma li fihom għandna nuru l-fiduċja f’Jehovah.
2 Bħala Ministri Kristjani: Kulmeta jkollna xi inkarigu fil-kongregazzjoni jew ngħallmu fil-ministeru taʼ l-għalqa, aħna rridu nistrieħu fuq Alla tagħna. Ikkunsidra l-eżempju taʼ Ġesù. Għalkemm kien l-Iben t’Alla, hu ma kienx jafda fl-għerf jew fil-kapaċità tiegħu stess imma straħ għalkollox fuq Missieru tas-sema. (Ġw. 12:49; 14:10) Mela kemm iktar aħna għandna bżonn nagħmlu dan! (Prov. 3:5-7) Huwa biss bil-barka taʼ Jehovah li l-isforzi limitati tagħna jkunu jistgħu jġibulu unur u jkunu taʼ benefiċċju għal oħrajn.—Salm 127:1, 2.
3 Aħna nuru li nistrieħu fuq Jehovah billi nitolbu għall-gwida tiegħu u għall-għajnuna taʼ l-ispirtu qaddis tiegħu. (Salm 105:4; Lq. 11:13) Barra minn hekk, aħna nuru l-fiduċja tagħna f’Alla billi nibbażaw it-tagħlim tagħna fuq il-Kelma tiegħu, il-Bibbja. Il-messaġġ li fiha għandu l-qawwa jqanqal il-qlub u jibdel il-ħajjiet. (Lhud 4:12) Meta naqdu fil-ministeru ‘bis-setgħa li Alla jagħtina,’ Jehovah jiġi glorifikat.—1 Pt. 4:11.
4 Meta Niffaċċjaw il-Problemi: Aħna għandna bżonn ukoll induru lejn Jehovah għall-għajnuna meta nħabbtu wiċċna maʼ pressjonijiet u problemi. (Salm 46:2 [46:1, NW]) Per eżempju, dak li jħaddimna forsi ma jkunx irid jagħtina l-leave biex nattendu xi assemblea, jew forsi nħabbtu wiċċna maʼ xi sitwazzjoni iebsa fil-familja tagħna. Aħna nuru li nafdaw f’Jehovah billi nitolbuh bil-ħrara u napplikaw il-gwida li jipprovdilna permezz tal-Kelma u l-organizzazzjoni tiegħu. (Salm 62:9 [62:8, NW];Salm 119:143, 173) Meta jagħmlu hekk, il-qaddejja taʼ Jehovah jesperjenzaw l-għajnuna tiegħu f’ħajjithom.—Salm 37:5; 118:13, 16.
5 Jehovah innifsu jassigurana: “Mbierek il-bniedem li jittama fil-Mulej, u l-fiduċja tiegħu fil-Mulej.” (Ġer. 17:7) Jalla nuru l-fiduċja tagħna fih f’dak kollu li nagħmlu!—Salm 146:5 .