Eżempju għaż-​Żgħar u għall-​Kbar

Hu gawda relazzjoni sabiħa u intima m’Alla. Hu ddedika ħajtu biex jagħmel ir-​rieda taʼ Ġeħova. Hu “kien jimxi sewwa maʼ Alla” u ġie mbierek talli għamel hekk. Dan kien Noè, eżempju taʼ min jimitah kemm għall-​kbar u kemm għaż-​żgħar. (Ġen. 6:9) Il-​vidjo Noah​—He Walked With God (Noè​—Hu Mexa m’Alla) se jgħinek biex ikollok stampa ċara f’moħħok dwar kif kienet il-​ħajja taʼ Noè, għala kien jistħoqqlu l-​barka taʼ Ġeħova, u kif tistaʼ int timita l-​kwalitajiet tajbin tiegħu.

L-edizzjoni tal-​vidjo taʼ Noè li ħarġet fuq DVD tinkludi l-​kwizz (Video Quiz) li ġej. Ara l-​vidjo u wara staqsi lilek innifsek: (1) X’għamlu ħażin ċerti anġli, u min kienu n-​Nefilim? (Ġen. 6:​1, 2, 4) (2) In-​nies għala saru daqshekk ħżiena, u kif ħassu Alla dwar dan? (Ġen. 6:​4-6) (3) Noè kif kien differenti? (Ġen. 6:​22) (4) Kif ġew meqrudin il-​ħżiena? (Ġen. 6:​17) (5) Kemm kienet kbira l-​arka? (Ġen. 6:​15) (6) X’għamel iktar Noè, u n-​nies kif wieġbu? (Mt. 24:​38, 39; 2 Pt. 2:5) (7) Minn kull speċi t’annimal kemm-il wieħed daħal fl-​arka? (Ġen. 7:​2, 3, 8, 9) (8) Kemm damet nieżla x-​xita, u l-​art kemm damet mgħarrqa kompletament? (Ġen. 7:​11, 12; 8:​3, 4) (9) Noè u l-​familja tiegħu għala salvaw? (Ġen. 6:​18, 22; 7:5) (10) Fejn straħet l-​arka? (Ġen. 8:4) (11) Noè kif kien jaf li setaʼ joħroġ mill-​arka? (Ġen. 8:​6-​12) (12) X’għamel Noè meta ħareġ mill-​arka? (Ġen. 8:​20-​22) (13) Il-​qawsalla x’tifsira għandha? (Ġen. 9:​8-​16) (14) Xi jfisser li ‘timxi maʼ Alla’? (Ġen. 6:​9, 22; 7:5) (15) X’jeħtiġilna nagħmlu biex naraw lil Noè fil-​Ġenna taʼ l-​art? (Mt. 28:​19, 20; 1 Pt. 2:​21)

Mir-rakkont tal-​Bibbja dwar il-​lealtà u l-​ubbidjenza taʼ Noè, x’tgħallimt int dwar kif tistaʼ ‘timxi maʼ Alla’ u jkollok il-​fiduċja fl-​abbiltà taʼ Ġeħova biex jeħles lill-​poplu tiegħu fi żmienna?​—Ġen. 7:1; Prov. 10:16; Ebr. 11:7; 2 Pt. 2:9.