Programm Ġdid tal-​Jum t’Assemblea Speċjali

It-​tema tal-​programm tal-​jum t’assemblea speċjali għas-​sena taʼ servizz 2008 hi “Aħna t-​Tafal​—Ġeħova Huwa l-​Fuħħari Tagħna,” ibbażata fuq Isaija 64:8. It-​twissija Skritturali li se tingħata f’dan il-​programm se żżid l-​istima u l-​fehma tagħna dwar l-​għerf, il-​ġustizzja, il-​qawwa, u l-​imħabba taʼ Ġeħova bħala l-​Fuħħari l-​Kbir.

It-taħdita taʼ l-​indokratur tas-​circuit, “Naqdu Bħala Reċipjenti Onorabbli fil-​Ministeru,” se turi kif iktar u iktar nies qed jirċievu l-​barka kbira taʼ li jsiru jafu l-​verità u jaqsmuha m’oħrajn. It-​taħdita “Il-​Meditazzjoni Se Tħarsek” se tirrivela kif il-​meditazzjoni dwar il-​prinċipji ġusti taʼ Ġeħova tipproteġina. Il-​kelliemi li jkun qed iżur se jindirizza lill-​udjenza bit-​temi “Ma ‘Nibqgħux Magħġunin Skond Din is-​Sistema’” u “Kun Imsawwar mill-​Fuħħari l-​Kbir.” Il-​ġenituri u ż-​żgħażagħ se jsibu inkuraġġiment fil-​partijiet “Żgħażagħ li Huma Utli għal Ġeħova” u “L-​Irwol Vitali tal-​Ġenituri fil-​Proċess taʼ Tiswir.” Permezz taʼ turijiet u intervisti, se nieħdu pjaċir nisimgħu u nosservaw dak li ħutna rġiel u nisa qed iwettqu fil-​ministeru tagħhom. Dawk li jixtiequ jissimbolizzaw id-​dedikazzjoni tagħhom lil Alla billi jitgħammdu fl-​ilma għandhom jinformaw lill-​indokratur li jippresiedi malajr kemm jistaʼ jkun. Kun żgur li ġġib il-​kopja tiegħek tal-​ħarġa tat-​Torri taʼ l-​Għassa li se tiġi studjata f’dik il-​ġimgħa tal-​jum t’assemblea speċjali.

Il-Fuħħari l-​Kbir dejjem iwettaq l-​iskopijiet tiegħu. Imma jiddependi minn kull wieħed u waħda minna li nagħżlu kif se nwieġbu għall-​mod kif qed jifformana. Dawk li jissottomettu ruħhom b’mod għaqli għal-​livelli u l-​irfinar taʼ Ġeħova jistgħu, bħal ċappa tafal fuq ir-​rota tal-​fuħħari, jiġu magħġunin, irfinuti, u trasformati f’reċipjenti utli. Meta nikkooperaw maʼ Ġeħova, aħna nigglorifikaw is-​sovranità tiegħu u nirċievu ħafna barkiet.