Għandna Bżonn Inżommu ż-​Żelu Tagħna fil-​Ministeru

¹ Kull sena sa mill-​1992, ix-​Xhieda taʼ Ġeħova ddedikaw b’mod żeluż iktar minn biljun siegħa fl-​ippridkar tas-​Saltna madwar id-​dinja u fix-​xogħol taʼ li jagħmlu dixxipli. Kemm aħna ferħanin li kellna sehem żgħir f’dan it-​twettiq meraviljuż!​—Mt. 28:​19, 20.

² M’għandniex xi ngħidu, ir-​ringrazzjament u t-​tifħir għandhom jingħataw lil Ġeħova, li sostniena fil-​ministeru tagħna matul dawn iż-​“żminijiet kritiċi.” (2 Tim. 3:1) Xi rridu nagħmlu min-​naħa tagħna sabiex inkomplu nieħdu sehem żeluż f’dan ix-​xogħol importanti?

³ Raġuni biex Inkunu Żelużi: Imħabba profonda għal Alla u għall-​proxxmu, kif ukoll xewqa mill-​qalb li ngħixu fi qbil mad-​dedikazzjoni tagħna, għandhom jimmotivawna biex inkomplu fis-​servizz tas-​Saltna. (Mt. 22:​37-​39; 1 Ġw. 5:3) L-​imħabba tqanqalna biex nagħmlu sagrifiċċji, u b’hekk inkunu nistgħu nieħdu sehem bis-​sħiħ fix-​xogħol taʼ l-​ippridkar.​—Lq. 9:​23.

⁴ Aħdem biex Iżżomm iż-​Żelu: L-​avversarju tagħna x-​Xitan qed jagħmel kull sforz biex iżommna lura milli nieħdu sehem b’mod żeluż fil-​ministeru. L-​apatija taʼ dawk li niltaqgħu magħhom fit-​territorju, l-​aljenazzjonijiet taʼ din id-​dinja, il-​pressjonijiet tal-​ħajja taʼ kuljum, u t-​tħassib dwar saħħitna li dejjem sejra lura huma xi ftit mill-​affarijiet li Satana qed juża biex jipprova jiskuraġġina.

⁵ Għalhekk, għandna bżonn naħdmu iebes biex inżommu ż-​żelu ħaj. Huwa importanti li nikkultivaw “l-​imħabba li [kellna] fil-​bidu.” Dan jinvolvi li regolarment naqraw u nimmeditaw fuq il-​Kelma t’Alla, il-​Bibbja, u naraw li qed nieħdu vantaġġ minn dak kollu li Ġeħova qiegħed jagħtina sabiex isaħħilna l-​fidi permezz taʼ “l-​ilsir leali u għaqli.”​—Riv. 2:4; Mt. 24:45; Salm 119:97.

⁶ Bħalma jindikaw il-​profeziji tal-​Bibbja, il-​jum taʼ Ġeħova biex jeqred in-​nies bla devozzjoni lejn Alla riesaq b’ħeffa kbira. (2 Pt. 2:3; 3:​10) B’dan il-​ħsieb ċar f’moħħna, ejja naħdmu iebes billi nżommu ż-​żelu tagħna fil-​ministeru, nieħdu sehem bis-​sħiħ fix-​xogħol taʼ l-​ippridkar tas-​Saltna u taʼ li nagħmlu dixxipli li qed isir bħalissa madwar id-​dinja!