Tfakkiriet għat-​Tifkira

L-​anzjani għandhom jagħtu attenzjoni għall-​affarijiet li ġejjin huma u jħejju għat-​tifkira.

◼ Kunu ċerti li l-​emblemi ma jitqassmux qabel inżul ix-​xemx.

◼ Għandu jinkiseb u jitlesta t-​tip xieraq taʼ ħobż u nbid.—Ara t-​Torri taʼ l-​Għassa tal-​15 taʼ Frar, 2003, pġi. 14-15.

◼ Platti, tazzi, kif ukoll mejda u tvalja adattati għandhom jinġiebu fis-​sala u jitpoġġew f’posthom minn qabel.

◼ Is-​Sala tas-​Saltna jew xi post ieħor fejn se ssir il-​laqgħa għandu jitnaddaf sew minn qabel.

◼ L-​attendants u dawk li se jservu għandhom jintgħażlu u jingħataw istruzzjonijiet bil-​quddiem rigward l-​inkarigi tagħhom, il-​proċedura xierqa li trid tiġi segwita, u dwar il-​bżonn taʼ lbies u dehra rispettabbli.

◼ Għandhom isiru arranġamenti biex xi ħadd iservi lil dawk l-​uħud mill-​midlukin li jkunu ma jifilħux u ma jistgħux ikunu preżenti.

◼ Meta iktar minn kongregazzjoni waħda tkun se tuża l-​istess Sala tas-​Saltna, għandu jkun hemm koordinazzjoni tajba bejn il-​kongregazzjonijiet sabiex jiġi evitat l-​iffollar bla bżonn fl-​intrata jew fit-​taraġ, fuq il-​bankini, u fil-​post taʼ l-​ipparkjar.

◼ Jekk jintuża post ieħor għal-​laqgħa, kunu ċerti li jkun hemm sistema tas-​sawnd adattata sabiex kulħadd fl-​udjenza jkun jistaʼ jismaʼ lill-​kelliemi.