L-​Ippridkar Iżżommna b’Saħħitna Spiritwalment

1. Liema benefiċċju jagħtina x-​xogħol taʼ l-​ippridkar?

¹ Nistgħu nissaħħu spiritwalment u nżidu l-​ferħ tagħna jekk nieħdu sehem attiv fix-​xogħol taʼ l-​ippridkar. M’għandniex xi ngħidu, aħna nieħdu sehem fil-​ministeru primarjament biex nogħġbu lil Ġeħova. Madankollu, meta nobdu l-​kmand biex ‘nippridkaw il-​kelma,’ aħna nirċievu l-​barkiet taʼ Ġeħova u nibbenefikaw aħna stess b’modi oħrajn ukoll. (2 Tim. 4:2; Is. 48:17, 18) Imma kif jistaʼ eżattament l-​ippridkar isaħħaħna u jagħmilna ferħanin?

2. Il-​ministeru b’liema modi jsaħħaħna?

² Niġu Msaħħin u Mberkin: L-​ippridkar iħeġġiġna biex niffokaw fuq il-​barkiet tas-​Saltna minflok l-​inkwiet tal-​preżent. (2 Kor. 4:18) Meta nispjegaw it-​tagħlim tal-​Bibbja, il-​fidi tagħna fil-​wegħdi taʼ Ġeħova tissaħħaħ u l-​apprezzament tagħna għall-​verità jikber. (Is. 65:13, 14) Hekk kif ngħinu lil oħrajn jikbru spiritwalment ħalli ma jkunux “parti mid-​dinja,” aħna nsaħħu d-​determinazzjoni tagħna stess biex nibqgħu separati mid-​dinja.—Ġw. 17:14, 16; Rum. 12:2.

3. Il-​ministeru tagħna kif jgħinna nikkultivaw kwalitajiet Kristjani?

³ Meta nieħdu sehem fil-​ministeru niġu megħjunin biex nikkultivaw kwalitajiet Kristjani. Per eżempju, meta nistinkaw biex ‘insiru kollox għal nies taʼ kull xorta’ niġu megħjunin biex niżviluppaw umiltà akbar. (1 Kor. 9:19-23) Hekk kif inkellmu lil dawk li huma “maltrattati u mferrxin bħal nagħaġ mingħajr ragħaj,” iktar se nkunu nistgħu nitgħallmu nuru simpatija u nħossu empatija. (Mt. 9:36) Nitgħallmu s-​sabar meta nibqgħu nistinkaw minkejja l-​apatija jew l-​oppożizzjoni. Il-​ferħ tagħna jikber meta nagħtu minna nfusna biex ngħinu lil ħaddieħor.—Atti 20:35.

4. Kif tħossok dwar il-​ministeru tiegħek?

⁴ X’barka li għandna ministeru li jġib tifħir lill-​uniku Wieħed li jistħoqqlu l-​qima tagħna! Il-​ministeru jsaħħaħna. Iġib barkiet abbundanti lil dawk li jinsabu okkupati bis-​sħiħ biex jagħtu “xiehda bir-​reqqa dwar l-​aħbar tajba.”—Atti 20:24.