Meta Għandna Mmorru Lura Għand Uħud Interessati?

1. X’jinvolvi li nagħmlu dixxipli?

¹ Il-​fatt li tagħmel dixxipli jinvolvi li tmur lura għand kull min juri ħerqa biex jitgħallem dwar l-​arranġament tas-​Saltna taʼ Ġeħova. (Mt. 28:19, 20) L-​aħjar ħin biex nagħmlu żjara lura spiss jiddependi mill-​iskeda tagħna kif ukoll tal-​persuna interessata. Għala għandna mmorru lura malajr wara l-​ewwel żjara tagħna?

2, 3. Għala għandna nipprovaw immorru lura malajr kemm jistaʼ jkun?

² Għala Mmorru Lura Malajr? Ix-​xogħol tal-​ippritkar ‘tal-​aħbar tajba tas-​saltna’ dalwaqt jispiċċa, u t-​tmiem taʼ din is-​sistema qorob. (Mt. 24:14; 1 Pt. 4:7) Għalhekk, waqt li “jum is-​salvazzjoni” għadu disponibbli għal dawk interessati, għandna nagħtu kas it-​twissija ‘ppriedka l-​kelma b’urġenza,’ li tinkludi li mmorru lura malajr kemm jistaʼ jkun biex nikkultivaw l-​interess.—2 Kor. 6:1, 2; 2 Tim. 4:2.

³ Satana huwa ħerqan biex jaħtaf kull żerriegħa tas-​Saltna li għandna mnejn inkunu żrajna f’qalb persuna interessata. (Mk. 4:14, 15) Ħafna drabi, membri tal-​familja, kollegi tax-​xogħol, u oħrajn iwaqqgħu għaċ-​ċajt lil dawk li jkunu wrew interess. Jekk immorru lura malajr, inkunu nistgħu nibnu fuq id-​diskussjoni li kellna qabel m’oħrajn jirnexxilhom jitfu x-​xrara t’interess.

4. Fl-​ewwel żjara, kif nistgħu nħejju pedament għal żjara lura?

⁴ Agħmel Appuntament: Ikun aħjar li qabel ma titlaq mill-​ewwel żjara tagħmel arranġamenti speċifiċi biex tmur lura. Qajjem mistoqsija li se twieġeb fiż-​żjara li jmiss. Huwa importanti li żżomm rekord bil-​miktub tal-​ewwel żjara u tal-​appuntament meta għandek terġaʼ tmur. Jekk l-​iskeda tiegħek tippermettilek, tistaʼ tistaqsi lill-​inkwilin biex tmur lura l-​għada jew fi żmien qasir. Jekk l-​ewwel żjara ssir fi tmiem il-​ġimgħa u l-​individwu interessat ikun xogħol matul il-​ġimgħa, forsi jaqbel li terġaʼ żżuru fit-​tmiem il-​ġimgħa li jmiss. Meta tagħmel appuntament, kun ċert li żżomm kelmtek.—Mt. 5:37.

5. Il-​fatt li mmorru lura mingħajr dewmien kif jistaʼ jgħinna nwettqu l-​inkarigu li tana Ġesù biex nagħmlu dixxipli?

⁵ Għandna raġunijiet tajbin biex immorru lura għand uħud interessati malajr kemm jistaʼ jkun. Għalhekk, agħmel appuntament u fittex mur lura, għax “iż-​żmien li fadal tqassar.” (1 Kor. 7:29) Iktar ma mmorru lura malajr għand l-​uħud interessati fil-​messaġġ tas-​Saltna, iktar hemm ċans li l-​isforzi tagħna jkunu produttivi.