Eżempji taʼ Preżentazzjonijiet

Biex nibdew studji tal-​Bibbja fl-​ewwel Sibt t’Ottubru

“In-​nies jagħmlu parti minn diversi reliġjonijiet u jqimu lil Alla b’ħafna modi differenti. Kif taħseb li Alla jħossu dwar dan? [Agħti ċans għal tweġiba.] Ara x’għallem Ġesù dwar dan is-​suġġett.” Agħti lill-​inkwilin kopja tat-​Torri tal-​Għassa Ottubru-​Diċembru, u kkunsidraw flimkien il-​materjal taħt l-​ewwel sottitlu f’paġna 16 u minn tal-​inqas waħda mill-​iskritturi ċitati. Offri r-​rivisti, u ftiehem biex tmur lura ħalli tiddiskutu l-​mistoqsija li jmiss.

It-​Torri tal-​Għassa Ottubru-​Diċembru

Uri l-​faċċata tar-​rivista, u għid: “Kieku int kif twieġeb din il-​mistoqsija? [Agħti ċans għal tweġiba.] Ara x’tgħid il-​Bibbja. [Aqra l-​1 Ġwanni 5:19.] Skont dan, “il-​Ħażin,” jew ix-​Xitan, jaħkem lid-​dinja. Imma dan iqajjem xi mistoqsijiet. Ix-​Xitan minn fejn ġie? Saħansitra hu persuna reali? Alla għal kemm żmien se jħallih jaħkem? Din ir-​rivista turi x’tgħid il-​Bibbja.”

Stenbaħ! Ottubru-​Diċembru

“Int x’taħseb li hi l-​akbar sfida li jiffaċċjaw il-​ġenituri llum fit-​trobbija tat-​tfal? [Agħti ċans għal tweġiba.] Ħafna ġenituri jistrieħu fuq il-​Bibbja għal parir. Pereżempju, dan il-​kliem għaref hu t’għajnuna meta wieħed jiddixxiplina lit-​tfal. [Aqra Efesin 4:31.] Din ir-​rivista turi kif il-​parir tal-​Bibbja jistaʼ jgħin lill-​ġenituri f’kull fażi tat-​trobbija taʼ wliedhom, mill-​infanzja saż-​żgħożija.”