Jehovah’s Witnesses​—Faith in Action, Part 2: Let the Light Shine

Wara li Ħuna Rutherford u l-​imseħbin tiegħu nħelsu mill-​ħabs fl-​1919, l-​Istudenti tal-​Bibbja kellhom xogħol kbir quddiemhom. Bħalma jidher fil-​vidjow Jehovah’s Witnesses—Faith in Action, Part 2: Let the Light Shine, l-​Istudenti tal-​Bibbja kien se jkollhom ħafna opponenti, il-​fehma tagħhom tal-​Iskrittura kienet se tkompli tikber, u l-​fidi tagħhom kienet se tiġi rfinuta. (Prov. 4:18; Mal. 3:1-​3; Ġw. 15:20) Wara li tara l-​vidjow, tistaʼ twieġeb dawn il-​mistoqsijiet?

(1) X’metodi użaw l-​Istudenti tal-​Bibbja biex ixerrdu l-​aħbar tajba? (2) X’ġie mħabbar fil-​konvenzjonijiet speċjali tal-​1931 u tal-​1935? (3) X’kien hemm sinifikanti dwar il-​ħarġa tat-​Torri tal-​Għassa tal-​1 taʼ Novembru, 1939? (4) Iddeskrivi x’ġara f’Madison Square Garden matul it-​taħdita taʼ Ħuna Rutherford bit-​titlu “Government and Peace” (Il-​Gvern u l-​Paċi). (5) X’kien hemm taʼ min jinnotah dwar it-​taħdita taʼ Ħuna Knorr bit-​titlu “Peace—Can It Last?” (Il-​Paċi—Tistaʼ Tibqaʼ?) (6) Fl-​1942, xi pjanijiet għamlu x-​Xhieda taʼ Ġeħova biex ikabbru x-​xogħol tagħhom tal-​ippritkar? (7) Spjega xi ftit mill-​battalji legali li ġew miġġildin fl-​Istati Uniti, fil-​Kanada, u fil-​Greċja. (8) X’impatt kellha l-​iskola taʼ Gilegħad fuq it-​tkabbir tax-​xogħol tal-​ippritkar? (9) Liema xogħol importanti beda fl-​1946, u għala? (10) Ix-​Xhieda taʼ Ġeħova liema passi ħadu biex jaċċertaw li l-​kondotta tagħhom kienet fi qbil mal-​livelli tal-​Bibbja? (11) Spjega xi ftit mill-​aġġustamenti li saru fis-​snin 70 biex l-​organizzazzjoni ssegwi iktar mill-​qrib l-​eżempju li hemm fil-​Bibbja. (12) Dan il-​vidjow kif għenek tifhem iktar bis-​sħiħ li Ġeħova għandu kontroll assolut u li din hi l-​organizzazzjoni tiegħu? (13) Dan il-​vidjow kif saħħaħ id-​determinazzjoni tiegħek biex tkompli tipprietka biż-​żelu minkejja l-​ostakli? (14) Kif nistgħu nużaw dan il-​vidjow biex ngħinu lil qrabatna, lill-​istudenti tagħna tal-​Bibbja, u lil oħrajn?

Maʼ kull ġurnata li tgħaddi jiżdied kapitlu ġdid mal-​istorja tax-​Xhieda taʼ Ġeħova. X’se jgħid ir-​rekord dwar l-​isforzi tagħna fil-​ministeru? Bħalma għamlu ħutna fl-​imgħoddi, jalla biż-​żelu nkomplu ‘nħallu d-​dawl jiddi’!—2 Kor. 4:6.