Kaxxa għall-​Mistoqsija

◼ Għandha pubblikatriċi tgħatti rasha hi u tikkonduċi studju tal-​Bibbja fuq l-​għatba tal-​bieb jekk magħha jkun hemm pubblikatur?

Meta pubblikatriċi tikkonduċi studju tal-​Bibbja regulari u magħha jkun hemm pubblikatur tas-​Saltna, għandha tgħatti rasha. (1 Kor. 11:3-​10) Il-​ħarġa tat-​Torri tal-​Għassa tal-​15 taʼ Lulju, 2002, paġna 27, tispjega: “Din hija sessjoni taʼ tagħlim pjanata minn qabel li fiha dak li qed jikkonduċi l-​istudju jkun fil-​fatt qed imexxi. F’dawn iċ-​ċirkustanzi, l-​istudju jsir parti mit-​tagħlim li jsir fil-​kongregazzjoni. Jekk oħt mgħammda tkun qed tikkonduċi studju tal-​Bibbja bħal dan u magħha jkun hemm ħu mgħammed, ikun xieraq li tgħatti rasha.” Dan hu minnu jekk l-​istudju jsir ġo dar, fuq l-​għatba tal-​bieb, jew xi mkien ieħor.

Mill-​banda l-​oħra, jekk ma jkunx għadu ġie stabbilit studju tal-​Bibbja fuq l-​għatba tal-​bieb, oħt ma jkollhiex għalfejn tgħatti rasha jekk magħha jkun hemm pubblikatur tas-​Saltna. Dan jgħodd anki jekk l-​iskop taż-​żjara lura jkun biex turi kif isir studju tal-​Bibbja jew biex tikkunsidra l-​materjal f’pubblikazzjoni rikkmandata biex tibda studju. Studji fuq l-​għatba tal-​bieb spiss jiġu stabbiliti bil-​mod il-​mod, permezz taʼ diversi żjajjar lura progressivi. Allura, il-​pubblikaturi se jkollhom iqisu ċ-​ċirkustanzi u jkunu raġunevoli biex jaraw meta l-​oħt għandha tibda tgħatti rasha.