Awwissu se jkun xahar storiku taʼ attività!

1. Liema kampanja speċjali se ssir madwar id-​dinja hekk kif noqorbu lejn il-​100 sena minn mindu s-​Saltna ġiet stabbilita?

¹ Qed noqorbu lejn il-​100 sena minn mindu s-​Saltna t’Alla ġiet stabbilita. Kemm hu xieraq li nonoraw lil Ġeħova permezz taʼ kampanja speċjali! Matul Awwissu se nieħdu sehem fi tqassim taʼ fuljett ġdid madwar id-​dinja bl-​isem Fejn nistgħu nsibu t-​tweġibiet għall-​mistoqsijiet importanti tal-​ħajja? Dan il-​fuljett se jinkuraġġixxi l-​qarrejja biex ifittxu fil-​Bibbja għat-​tweġibiet u jispjega kif il-​Websajt jw.org tistaʼ tgħinhom.

2. Kif nistgħu ningħaqdu fl-​“għajta kbira taʼ tifħir lil Ġeħova” li se jkun hemm matul Awwissu?

² Għajta kbira taʼ tifħir: Sabiex jgħin lill-​pubblikaturi jżidu fil-​ministeru tagħhom, se jsir provvediment speċjali għal min jixtieq jaqdi bħala pijunier awżiljarju fix-​xahar taʼ Awwissu. Matul dak ix-​xahar, il-​pubblikaturi mgħammdin se jkunu jistgħu jaqdu bħala pijunieri awżiljarji billi jagħmlu 30 siegħa fix-​xahar. Peress li Awwissu fih ħames Sibtijiet u Ħdud u l-​15 taʼ Awwissu hi festa, ħafna pubblikaturi li jaħdmu jew ikunu impenjati matul il-​ġimgħa se jkunu jistgħu jaqdu bħala pijunieri awżiljarji. Jekk għandek student tal-​Bibbja jew xi ħadd minn uliedek li jikkwalifika għal pubblikatur, tkellem mill-​ewwel mal-​koordinatur tal-​ġemgħa tal-​anzjani. Kemm se jkun inkuraġġanti għall-​uħud bħal dawn biex jingħaqdu magħna bħala pubblikaturi matul dan ix-​xahar tant importanti! Ġeneralment, ħafna pijunieri regulari jkunu diġà laħħqu s-​sigħat s’Awwissu għalhekk jużaw dak ix-​xahar biex jistrieħu. Imma forsi jistgħu jaġġustaw l-​iskeda tagħhom biex ikollhom sehem sħiħ f’din il-​kampanja speċjali. Issa hu ż-​żmien għal familji biex jiddiskutu kif se jingħaqdu fl-​“għajta kbira taʼ tifħir lil Ġeħova” li se jkun hemm matul Awwissu.—Esd. 3:11; Prov. 15:22.

3. X’nittamaw li jiġri f’din il-​kampanja speċjali?

³ Minkejja li ħadna sehem f’kampanji simili fil-​passat, nittamaw li din tkun waħda storika. Nistgħu aħna nilħqu quċċati ġodda fl-​ammont taʼ sigħat u fin-​numru taʼ pubblikaturi u taʼ pijunieri awżiljarji matul Awwissu? Hekk kif naslu fi tmiem is-​sena taʼ servizz 2014, jalla Ġeħova jbierek l-​isforzi tan-​nies tiegħu mad-​dinja kollha sabiex Awwissu jkun l-​iktar xahar li jispikka fl-​ippritkar!—Mt. 24:14.