Intejbu l-abbiltajiet tagħna fil-ministeru—Nibdew konversazzjoni sabiex nagħtu xhieda informali

Għala hu importanti: Meta nkunu qed nieħdu sehem fil-​ministeru minn dar għal dar, spiss insibu li ħafna nies ma jkunux id-​dar. Madankollu, forsi niġu f’kuntatt magħhom meta nkunu qed nużaw it-​trasport pubbliku, meta nkunu qed nistennew għand it-​tabib, meta nkunu waqt il-​ħin tal-​brejk ix-​xogħol jew l-​iskola, u f’postijiet oħrajn. Hija r-​rieda taʼ Ġeħova li kulħadd ikollu opportunità li jismaʼ l-​messaġġ tas-​Saltna. (1 Tim. 2:3, 4) Spiss, sabiex inkunu nistgħu nagħtu xhieda, ikollna nieħdu l-​inizjattiva biex nibdew konversazzjoni.