Eżempji taʼ preżentazzjonijiet

Fejn nistgħu nsibu t-tweġibiet għall-mistoqsijiet importanti tal-ħajja?

Agħti l-​fuljett lill-​inkwilin ħalli jkun jistaʼ jara t-​titlu u għid: “Ħelow. Qed nieħdu sehem f’kampanja li qed issir mad-​dinja kollha biex inwasslu dan il-​messaġġ importanti. Din il-​kopja tiegħek.”

Jekk qed tħalli l-​fuljett fejn ma jiftaħ ħadd, agħmlu f’post fejn ma jagħtix fil-​għajn u evita li titwih bla bżonn.

Jekk l-​inkwilin juri interess jew jixtieq jitkellem, forsi tistaʼ titlob l-​opinjoni tiegħu dwar il-​mistoqsija bl-​għażla taʼ tweġibiet fuq il-​faċċata. Iftaħ il-​fuljett, u urih x’jgħid Salm 119:144, 160. Spjega li l-​fuljett fih informazzjoni dwar Websajt li tistaʼ tgħinu jsib tweġibiet sodisfaċenti fil-​Bibbja. Forsi tkun tistaʼ turih eżempju taʼ dan billi turih il-​vidjow Għala għandek tistudja l-​Bibbja? Qabel ma titlaq, urih it-​tliet mistoqsijiet fuq il-​paġna taʼ wara tal-​fuljett u staqsih liema tinteressah l-​iktar. Offri li tmur lura ħalli tkun tistaʼ turih kif isib it-​tweġiba tal-​Bibbja għal dik il-​mistoqsija minn fuq jw.org. Meta tmur lura, iddiskuti t-​tweġiba billi tikklikkja fuq TAGĦLIM TAL-​BIBBJA > MISTOQSIJIET DWAR IL-​BIBBJA MWEĠBIN.

Jekk qed tqassam ukoll l-​inviti għall-​konvenzjoni, lill-​inkwilin agħtih l-​invit fl-​istess ħin li tagħtih il-​fuljett u għid, “Għandek ukoll invit għal okkażjoni pubblika bla ħlas li se ssir dalwaqt.”

It-Torri tal-Għassa 1 t’Awwissu

Fi tmiem il-​ġimgħa, meta jkun xieraq, għid hekk biex toffri t-​Torri tal-​Għassa: “Nixtiequ wkoll noffrulek ir-​rivisti kurrenti tagħna. Din il-​ħarġa tat-​Torri tal-​Għassa twieġeb il-​mistoqsija, Huwa Alla interessat fik?”

Stenbaħ! Awwissu

Fi tmiem il-​ġimgħa, meta jkun xieraq, għid hekk biex toffri r-​rivista Stenbaħ!: “Nixtiequ wkoll noffrulek ir-​rivisti kurrenti tagħna. Din il-​ħarġa taʼ Stenbaħ! twieġeb il-​mistoqsija, In-​nies kif jistgħu jagħmlu paċi?”