“Erġajt ma sibtux id-​dar!”

Ġieli għedt dan dwar xi ħadd li wera interess? Inti taħseb li ma tistax issaqqi ż-​żerriegħa li ħawwilt għax ipprovajt kemm-​il darba żżur lill-​individwu, imma ma sibtux hemm. (1 Kor. 3:6) Kultant, pubblikaturi t’esperjenza jiktbu ittra lil xi ħadd li ma setgħux isibuh id-​dar, jew inkella jħallu nota fil-​kaxxa tal-​ittri tal-​inkwilin. Xi pubblikaturi jobsru li se jsibuha diffiċli biex jerġgħu jsibuh id-​dar, u b’hekk jitolbu għat-​telefown tiegħu, forsi billi jgħidu, “Tiddejjaq jekk nagħtu n-​numri tat-​telefown lil xulxin?” Għandha tingħadd bħala żjara lura meta nżuru lil individwu jew meta nagħtuh xhieda permezz taʼ ittra, e-​mail, messaġġ, nota li tħalli fil-​kaxxa tal-​ittri, jew telefonata. Anki jekk bilkemm ikun id-​dar, aħna nistgħu nkabbru l-​interess tiegħu.