Eżempji taʼ preżentazzjonijiet

It-Torri tal-Għassa Mejju-Ġunju

“Illum qegħdin inħallu dan il-​fuljett maʼ kulħadd f’dawn l-​inħawi. [Agħti l-​inkwilin il-​fuljett Int Kif Tħares Lejn il-​Bibbja? u saqsih il-​mistoqsijiet taʼ quddiem. Urih it-​tweġiba tal-​Bibbja mit-​2 Timotju 3:16, u inkuraġġih jaqra l-​fuljett meta jkollu ċans.] Ħafna mhumiex konxji li l-​Bibbja tagħti tweġibiet sodisfaċenti għal mistoqsijiet bħal dawn. [Uri l-​mistoqsijiet li jinsabu fil-​bidu tal-​ewwel artiklu tat-​Torri tal-​Għassa.] Din ir-​rivista tispjega kif int tistaʼ ssib it-​tweġibiet fil-​Bibbja tiegħek stess.”

Stenbaħ! Mejju-Ġunju

“Hello, mhux se niħodlok ħafna ħin. Illum konna qed inżuru lin-​nies għax ħafna huma mħassbin dwar it-​tibdil li jaraw fil-​familji. Fis-​snin li għaddew, il-​ġenituri kienu jikkmandaw, imma issa, f’xi familji jidher li hu bil-​kontra, it-​tfal jikkmandaw. Taħseb li l-​ġenituri tal-​lum qed jiddixxiplinaw lil uliedhom kif suppost? [Agħti ċans għal tweġiba.] Skont il-​Bibbja, id-​dixxiplina hi importanti. [Aqra Proverbji 29:17.] Din ir-​rivista tiddiskuti l-​istruzzjonijiet bilanċjati tal-​Bibbja dwar id-​dixxiplina tat-​tfal.”