Ilqgħuhom mill-​qalb

Nilqgħu mill-​qalb lil min? Lil kull min jattendi l-​laqgħat Kristjani tagħna—minn uħud ġodda sa ħbieb antiki. (Rum 15:7; Eb 13:2) Forsi jkun wieħed minn sħabna fit-​twemmin li jkun qed iżurna minn pajjiż ieħor jew Kristjan inattiv li qed jattendi l-​ewwel darba wara ħafna snin. Immaġina kif kieku tħossok f’din is-​sitwazzjoni. Ma tapprezzax kieku li tiġi milqugħ mill-​qalb? (Mt 7:12) Allura għala ma tagħmilx iktar sforz biex iddur ftit fis-​Sala tas-​Saltna u tilqaʼ lil oħrajn qabel u wara l-​laqgħa? Dan se jgħin biex ikun hemm atmosfera sabiħa u taʼ mħabba, u dan se jġib unur lil Ġeħova. (Mt 5:16) Naturalment, x’aktarx ma jkunx possibbli li titkellem maʼ kull persuna preżenti. Minkejja dan, kulħadd se jħossu milqugħ jekk ilkoll nagħmlu l-​parti tagħna.a

L-​ospitalità vera ma tintweriex biss f’okkażjonijiet speċjali bħat-​Tifkira imma l-​ħin kollu. Meta wħud ġodda jaraw u jesperjenzaw l-​imħabba Kristjana fl-​azzjoni, għandhom mnejn jitqanqlu biex ifaħħru lil Alla u jingħaqdu magħna fil-​qima pura.—Ġw 13:35.