Ġeħova jħobb nies nodfa

“Aħsel idejk. Naddaf il-​kamra. Iknes l-​art. Oħroġ iż-​żibel.” Ħafna ġenituri jgħallmu lil uliedhom kif jibqgħu nodfa fiżikament. Madankollu, il-​prinċipji tal-​indafa ġejjin mingħand l-​Alla l-​qaddis tagħna. (Eżo 30:18-​20; Dt 23:14; 2Ko 7:1) Meta nżommu ġisimna u l-​affarijiet tagħna nodfa, inkunu qed nonoraw lil Ġeħova. (1Pt 1:14-​16) Xi ngħidu dwar id-​dar u l-​ambjent taʼ madwarna? B’kuntrast man-​nies li jitfgħu ż-​żibel fit-​toroq u fil-​ġonna, il-​Kristjani jagħmlu l-​aħjar tagħhom biex iżommu d-​dinja, li hi d-​dar tagħhom, nadifa. (Sa 115:16; Ri 11:18) Anke affarijiet żgħar bħal kif narmu l-​karti tal-​ħelu, il-​fliexken tal-​luminata, jew iċ-​chewing gum, jistaʼ juri kif aħna nqisu l-​indafa. Aħna rridu “nirrikkmandaw lilna nfusna bħala ministri t’Alla” f’kull aspett tal-​ħajja.—2Ko 6:3, 4.

ARA L-​VIDJOW ALLA JĦOBB NIES NODFA, U MBAGĦAD WIEĠEB IL-​MISTOQSIJIET LI ĠEJJIN:

• Xi wħud xi skużi jġibu biex ma jżommux l-​affarijiet tagħhom nodfa?

• Il-​Liġi Mosajka kif irrivelat x’inhi l-​ħarsa taʼ Ġeħova lejn l-​indafa?

• Aħna kif nistgħu nġibu tifħir lil Ġeħova bl-​għemil tagħna?