Kun Sod Hekk Kif Riesaq it-Tmiem

GĦALA HU IMPORTANTI: Dalwaqt se jkun hawn ġrajjiet mhux tas-​soltu li fihom se jkollna bżonn nuru kuraġġ u fidi f’Ġeħova iktar minn qatt qabel. It-​tribulazzjoni l-​kbira se tibda meta r-​reliġjon falza tinqered. (Mt 24:21; Ri 17:16, 17) Matul dak iż-​żmien taʼ taqlib, hu probabbli li se nagħtu messaġġ taʼ ġudizzju bil-​kuraġġ. (Ri 16:21) Aħna se niġu attakkati minn Gog taʼ Magog. (Eże 38:10-​12, 14-​16) Biex Ġeħova jiddefendi l-​poplu tiegħu, hu se jibda “l-​gwerra tal-​jum il-​kbir t’Alla li Jistaʼ Kollox.” (Ri 16:14, 16) Biex insaħħu l-​kuraġġ tagħna għal dak li se jiġri fil-​futur għandna nibqgħu leali kull meta tiġi ttestjata l-​fidi tagħna.

KIF TAGĦMEL DAN:

• Bil-​kuraġġ, iddefendi u għix skont il-​livelli morali għoljin taʼ Ġeħova.—Is 5:20

• Kompli aqdi lil Ġeħova maʼ sħabek il-​Kristjani.—Eb 10:24, 25

• Kun lest biex mill-​ewwel tobdi d-​direzzjoni li nirċievu mill-​organizzazzjoni taʼ Ġeħova.—Eb 13:17

• Immedita fuq kif Ġeħova salva lill-​poplu tiegħu fil-​passat.—2Pt 2:9

• Itlob lil Ġeħova u afda fih.—Sa 112:7, 8

ARA L-​VIDJOW ĠRAJJIET LI RRIDU NURU KURAĠĠ FIHOM FIL-​FUTUR—SILTA MILL-​VIDJOW, U MBAGĦAD WIEĠEB IL-​MISTOQSIJIET LI ĠEJJIN:

• 

  Il-​pubblikaturi taʼ kongregazzjoni tqassmu f’żewġ kongregazzjonijiet oħra. Liema test t’ubbidjenza kellhom jiffaċċjaw?

• 

  L-​ubbidjenza kif se tgħinna nkunu iktar kuraġġużi?

• 

  Għala se jkollna bżonn il-​kuraġġ meta tiġi Armageddon?

• 

  Liema rakkont tal-​Bibbja jgħinna nkunu iktar ċerti li Ġeħova jistaʼ jsalvana?—2Kr 20:1-24