Nota taʼ Taħt

a Qabel ir-​rivoluzzjoni t’Ottubru taʼ l-​1917, ir-​Russja kienet tuża l-​kalendarju Ġuljan li kien iktar antik, imma ħafna pajjiżi kienu qablu li jużaw il-​kalendarju Gregorjan. Fl-​1917 il-​kalendarju Ġuljan kien 13-il jum lura minn dak Gregorjan. Wara r-​rivoluzzjoni, is-​Sovjetiċi qalbu għall-​kalendarju Gregorjan, u b’hekk ir-​Russja bdiet tuża l-​istess kalendarju bħall-​bqija tad-​dinja. Però, il-​Knisja Ortodossa żammet il-​kalendarju Ġuljan għaċ-​ċelebrazzjonijiet tagħha, u bdiet issejjaħlu l-​kalendarju fuq “Stil Antik.” Għandek mnejn tismaʼ li l-​Milied fir-​Russja jiġi ċelebrat fis-​7 taʼ Jannar. Però, żomm f’moħħok li s-​7 taʼ Jannar fil-​kalendarju Gregorjan hu l-​25 taʼ Diċembru fil-​kalendarju Ġuljan. Għalhekk, ħafna Russi jorganizzaw l-​istaġun tagħhom tal-​festi b’dan il-​mod: il-​25 taʼ Diċembru, il-​Milied tal-​Punent; l-​1 taʼ Jannar, is-​Sena l-​Ġdida sekulari; is-​7 taʼ Jannar, il-​Milied Ortodoss; l-​14 taʼ Jannar, is-​Sena l-​Ġdida fuq Stil Antik.