L-Għanja taʼ Salamun

3 “Matul l-iljieli, fuq is-sodda tiegħi kont naħseb

Dwar il-wieħed li nħobb.*

 2 Ħa nqum u mmur indur fil-belt;

Ħa nfittex lil dak li nħobb.*

Fit-toroq u fil-pjazez,

Għalkemm fittixtu, ma stajtx insibu.

 4 Jien sibt lil dak li nħobb*

Ftit wara li tlaqt minn ħdejhom.

Jien qbadt miegħu, u ma ridtx nitilqu

Sakemm indaħħlu fid-dar t’ommi,

Fil-kamra taʼ ġewwa taʼ dik li wellditni.

 5 Tfajliet taʼ Ġerusalemm, jien qed inġegħelkom taħilfu

Bl-għażżiela u biċ-ċerva

Biex ma tipprovawx tqanqlu fija mħabba li ma teżistix.”

 6 “X’inhu dak li tielaʼ fid-deżert qisu kolonni tad-duħħan,

B’riħa tal-mirra u l-inċens abjad,

U b’kull tip taʼ fwieħa li jbigħ negozjant?”

Madwaru hemm 60 raġel b’saħħtu

Mill-irġiel b’saħħithom t’Iżrael.

 8 Kollha kemm huma armati bix-xabla

U ttrennjati għall-gwerra.

Kull wieħed minnhom għandu xabla fuq ġenbu

Biex jipproteġi lir-re mill-perikli taʼ matul il-lejl.

 9 “Dak is-sufan* irjali tar-Re Salamun,

Li għamel għalih innifsu mis-siġar tal-Libanu.

10 Il-kolonni ta’ miegħu għamilhom tal-fidda,

U maʼ xiex iserraħ għamlu tad-deheb.

Fejn joqgħod bilqiegħda kien magħmul minn suf vjola,

U minn ġewwa kien imżejjen bi mħabba

Mit-tfajliet taʼ Ġerusalemm.”

11 “Tfajliet taʼ Sijon,

Morru araw lir-Re Salamun

Liebes il-kuruna tat-tieġ* li għamlitlu ommu

Dakinhar li żżewweġ,

Fil-ġurnata li feraħ ħafna.”