Ġardinar Espert

IN-​NEMLA Sud Amerikana li tqattaʼ l-​weraq, tbellah lill-​bijoloġisti bit-​tekniki taʼ ġardinaġġ sofistikati tagħha. Biex jipprovdi l-​ikel, dan l-​insett ċkejken jaqtaʼ frak tal-​weraq u jiġbor tilqit mill-​art tal-​foresta u jġibhom lura lejn il-​bejta tiegħu taħt l-​art. In-​nemla mbagħad titħan dawn il-​biċċiet f’tgħassida biex titmaʼ l-​ġnien tal-​faqqiegħ tagħha. Din in-​nemla li tqattaʼ l-​weraq taf istintivament kif iżżomm l-​uċuħ tagħha b’temperatura u umdità ideali biex tikseb l-​aħjar riżultati. Biex toħloq ġonna ġodda, din tittrasferixxi qatgħat minn uċuħ stabbiliti għal ġo ħammieli ġodda tal-​weraq. Din in-​nemla li tqattaʼ l-​weraq saħansitra rnexxiela ssir esperta fiż-​żbir biex il-​faqqiegħ ikun taʼ l-​akbar daqs possibbli. Riċerkaturi minn Wales osservaw li din il-​ġardinara tas-​sengħa taġġusta l-​isforzi tagħha skond il-​ħtiġijiet għall-​ikel tal-​bejta tagħha, u b’hekk tiffranka l-​enerġija.

Il-ġardinaġġ jinvolvi xogħol iebes, u n-​nemla li tqattaʼ l-​weraq hija taʼ l-​għaġeb f’dan ir-​rigward. Mhux taʼ b’xejn li l-​Bibbja tgħid: “Mur għand in-​nemla, ja għażżien, ara kif tgħix, u tgħallem minnha. M’għandhiex min hu fuqha, la għassies u lanqas ħâkem; madankollu taħżen ikilha fis-​sajf, tħejji għajxienha fi żmien il-​ħsad.” (Proverbji 6:​6-8) Tabilħaqq, l-​istint tan-​nemla li tqattaʼ l-​weraq jixhed l-​għerf tal-​Ħallieq tagħha, Alla Jehovah.​—Proverbji 30:24, 25.