LEZZJONI 36
Kun Onest f’Kollox
Kulħadd jixtieq ħbieb onesti. Għalhekk anki Ġeħova jistenna li l-ħbieb tiegħu jkunu onesti. Imma dan mhuwiex faċli meta ngħixu f’dinja fejn ħafna nies mhumiex onesti. Għala hu tajjeb li dejjem inkunu onesti?
1. X’inhi l-iżjed raġuni importanti biex inkunu onesti?
Meta nkunu onesti m’oħrajn, inkunu qed nuru lil Ġeħova li aħna nħobbuh u nirrispettawh. Aħseb: Ġeħova jaf kull ħaġa li naħsbu u nagħmlu. (Ebrej 4:13) Hu jkun jaf meta nagħżlu li nkunu onesti, u dan jagħmlu ferħan. Il-Bibbja tgħid: ‘Il-qarrieq huwa mistkerrah minn Ġeħova, imma Hu għandu ħbiberija tajba man-nies sewwa.’—Proverbji 3:32.
2. Kif nistgħu nkunu onesti f’ħajjitna?
Ġeħova jridna ‘ngħidu l-verità lil xulxin.’ (Żakkarija 8:16, 17) Dan xi jfisser? Jekk qed nitkellmu maʼ tal-familja, tax-xogħol, l-aħwa Kristjani, jew uffiċjali tal-gvern, irridu ngħidu l-verità kollha u ma nigdbux. Nies onesti ma jisirqux jew iqarrqu b’oħrajn. (Aqra Proverbji 24:28 u Efesin 4:28.) Huma jħallsu t-taxxi kollha li hemm bżonn. (Rumani 13:5-7) Allura aħna “nġibu ruħna bl-onestà f’kollox.”—Ebrej 13:18.
3. Għala jkun tajjeb li nkunu onesti?
Meta oħrajn jaraw kemm aħna onesti, huma se jafdawna. Aħna ngħinu lil kulħadd fil-kongregazzjoni biex iħossu komdu, bħal familja li tħobb lil xulxin. Se jkollna kuxjenza nadifa. Meta nkunu onesti, se ‘nsebbħu t-tagħlim t’Alla, is-Salvatur tagħna.’ U b’hekk, oħrajn ikunu jridu jsiru jafu lil Ġeħova.—Titu 2:10.
TGĦALLEM IŻJED
Ara kif l-onestà teffettwa lil Ġeħova u lilek. U tgħallem kif tistaʼ tkun onest f’sitwazzjonijiet differenti f’ħajtek.
4. Meta nkunu onesti, inferrħu lil Ġeħova
Aqra Salm 44:21 u Malakija 3:16, u mbagħad iddiskuti:
Taħseb li nistgħu naħbu l-verità minn Ġeħova? Għala taħseb hekk?
Kif taħseb li jħossu Ġeħova meta ngħidu l-verità anki meta ma jkunx faċli?
Meta t-tfal jgħidu l-verità, il-ġenituri tagħhom ikunu ferħanin. Meta aħna ngħidu l-verità, Ġeħova jkun ferħan
5. Kun onest il-ħin kollu
Ħafna nies jaħsbu li mhux dejjem tistaʼ tkun onest. Imma għala għandna nkunu onesti l-ħin kollu? Ara l-VIDJOW.
Aqra Ebrej 13:18, u mbagħad iddiskuti kif nistgħu nkunu onesti . . .
maʼ tal-familja.
ix-xogħol jew l-iskola.
f’sitwazzjonijiet oħrajn.
6. Li nkunu onesti se jgħinna
Kultant jistaʼ jidher li jekk inkunu onesti se jkollna l-problemi. Imma li tkun onest dejjem hu l-aħjar ħaġa li tistaʼ tagħmel. Aqra Salm 34:12-16, u mbagħad iddiskuti:
Kif se jkollok ħajja aħjar meta tkun onest?
Irġiel u nisa onesti jkollhom żwieġ b’saħħtu
Ħaddiem onest jirbaħ il-fiduċja tal-imgħallem tiegħu
Nies onesti jkollhom reputazzjoni tajba mal-uffiċjali tal-gvern
ĦAFNA JGĦIDU: “Billi tgħid gidba żgħira ma jiġri xejn.”
Għala temmen li Ġeħova jobgħod il-gideb kollu?
XI DDISKUTEJNA?
Ġeħova jrid li l-ħbieb tiegħu jkunu onesti f’dak kollu li jgħidu u jagħmlu.
X’Tgħallimt
Kif nistgħu nkunu onesti?
Għala mhux tajjeb li naħbu l-verità?
Għala trid tkun onest f’kollox?
ARA IŻJED
Il-ġenituri kif jistgħu jgħallmu t-tfal tagħhom ikunu onesti?
Għala hu tajjeb li nżommu l-wegħdi tagħna?
Sir af għala rridu nħallsu t-taxxi anki meta ma jiġux użati tajjeb.
“It-Taxxi—Għandek Tħallashom?” (It-Torri tal-Għassa, Ottubru-Diċembru 2011)
Raġel li ma kienx onest, x’għamel biex ibiddel ħajtu u jaħdem b’mod onest?
“I Learned That Jehovah Is Merciful and Forgiving” (The Watchtower, May 1, 2015)