Kotba, Kotba, Kotba!

“Il-​kotba joktru bla heda,” kiteb l-​għaref Sultan Salamun taʼ żmien il-​qedem. (Koħèlet 12:12) Matul l-​1995 ġie ppubblikat ktieb ġdid fil-​Britannja għal kull 580 mill-​popolazzjoni, li poġġa lil dak il-​pajjiż fl-​ewwel post fid-​dinja fl-​ippubblikar taʼ kotba ġodda. Iċ-​Ċina, l-​iktar pajjiż li fih nies, ġiet fit-​tieni post bi 92,972 edizzjoni meta mqabblin mal-​95,015 tal-​Britannja. Imbagħad ġiet il-​Ġermanja (67,206 titli), u mbagħad kien hemm l-​Istati Uniti (49,276), bi Franza warajhom (41,234). “Ħafna mill-​vantaġġ li għandha l-​Britannja fuq il-​kumplament tad-​dinja huwa dovut sempliċement għal-​lingwa Ingliża,” tinnota l-​gazzetta The Daily Telegraph taʼ Londra.

Rapporti jindikaw li s-​suq tal-​bejgħ tal-​kotba ilu sejjer għan-​niżla għal diversi snin, u issa 80 fil-​mija biss taʼ l-​adulti fl-​Ingilterra jixtru ktieb wieħed jew iżjed fis-​sena. Imma n-​nies jaqrawhom kollha l-​kotba li jixtru?

Ktieb wieħed li għadu jinbiegħ u jinqara ħafna huwa l-​Bibbja, li issa hija disponibbli f’partijiet jew sħiħa f’iżjed minn 2,120 lingwa. Jekk int għad m’għandekx kopja, ikkuntattja l-​eqreb uffiċċju tal-​Watch Tower Society biex tikseb waħda. Jekk għandek Bibbja, oħroġha u ċċekkja r-​referenzi Skritturali li jidhru fl-​artikli taʼ din ir-​rivista. Billi tagħmel hekk, int se tiskopri l-​għarfien li jagħti l-​ħajja li fiha l-​Bibbja. (w97 8/1)