Mistoqsijiet mill-​Qarrejja

“It-​Torri Taʼ L-​Għassa” taʼ l-​1 taʼ Settembru, 1996, qal: “Fil-​parti finali tat-​tribulazzjoni, ‘laħam’ li jkun ħarab għal fuq in-​naħa taʼ Jehovah se jiġi salvat.” Qiegħed dan jissuġġerixxi li wara l-​ewwel fażi tat-​tribulazzjoni l-​kbira, ħafna wħud ġodda se jiġu fuq in-​naħa t’Alla?

Dak ma kienx il-​punt li kien qiegħed jintgħamel.

Il-kliem taʼ Ġesù misjub f’Mattew 24:22 se jiġi primarjament imwettaq fil-​futur minn salvazzjoni permezz taʼ l-​ewwel parti tat-​tribulazzjoni l-​kbira li ġejja, l-​attakk fuq ir-​reliġjon. L-​artiklu qal: “Ftakar li ‘laħam,’ kemm tal-​fdal midlukin u kemm tal-​‘kotra kbira,’ diġà se jkun ġie salvat meta Babilonja l-​Kbira tispiċċa malajr u kompletament fl-​ewwel parti tat-​tribulazzjoni.”

Uħud leali bħal dawn ma se jkunu fl-​ebda periklu meta Ġesù u l-​armata tiegħu tas-​sema jaġixxu fil-​parti finali tat-​tribulazzjoni. Imma min se jgħaddi b’dan il-​mod dik il-​fażi tat-​tribulazzjoni? Apokalissi 7:9, 14 juri li folla kbira li għandhom tama għall-​art se jibqgħu ħajjin. Xi ngħidu għall-​Kristjani midlukin bl-​ispirtu? “Questions From Readers” (Mistoqsijiet Mill-​Qarrejja) f’The Watchtower tal-​15 t’Awissu, 1990, iddiskuta għala ma nistgħux inkunu dommatiċi dwar meta l-​fdal taʼ wħud midlukin se jiġu meħudin lejn is-​sema. Għalhekk l-​artiklu riċenti (l-1 taʼ Settembru, 1996) ħalla l-​kwistjoni miftuħa, billi għamel il-​kumment ġenerali: “Bl-​istess mod fil-​parti finali tat-​tribulazzjoni, ‘laħam’ li jkun ħarab għal fuq in-​naħa taʼ Jehovah se jiġi salvat.”

Inkwantu għal jekk xi wħud ġodda jkunux jistgħu jitgħallmu l-​verità u jiġu fuq in-​naħa t’Alla wara li tibda t-​tribulazzjoni l-​kbira, innota l-​kliem taʼ Ġesù iddokumentat f’Mattew 24:29-31. Wara li tfaqqaʼ t-​tribulazzjoni, se jfeġġ is-​sinjal taʼ Bin il-​bniedem. Ġesù qal li t-​tribujiet kollha taʼ l-​art se jsawtu lilhom infushom u jilmentaw. Hu xejn ma qal dwar li n-​nies jintebħu bis-​sitwazzjoni, jindmu, imorru fuq in-​naħa t’Alla, u jsiru dixxipli veri.

B’mod simili, fil-​parabbola tan-​ngħaġ u l-​mogħoż, Bin il-​bniedem ifeġġ u b’ġudizzju jifred in-​nies fuq il-​bażi taʼ dak li kienu għamlu jew dak li m’għamlux fil-​passat. Ġesù ma qal xejn dwar nies li kienu ilhom juru attributi bħal tal-​mogħoż u li f’daqqa waħda jikkonvertu u jsiru bħal ngħaġ. Hu jiġi biex jiġġudika fuq il-​bażi taʼ dak li n-​nies diġà taw prova li huma.—Mattew 25:31-46.