Il-​Bibbja twissi lill-​Kristjani biex ‘jgħixu kif jixraq, mhux bl-​ikel żejjed u s-​sokor.’a (Rumani 13:12-14; Galatin 5:19-21; 1 Pietru 4:3) Ladarba fiċ-​ċelebrazzjonijiet taʼ l-​Ewwel tas-​Sena taʼ spiss ikun hemm dawk l-​istess abbużi li l-​Bibbja tikkundanna, il-​Kristjani ma jiħdux sehem fihom. Dan ma jfissirx li l-​Kristjani huma mċaħħdin milli jieħdu pjaċir. Għall-​kuntrarju, huma jafu li l-​Bibbja kemm-il darba tgħid lill-​adoraturi taʼ dak Alla veru biex jifirħu​—u dan tgħidu għal diversi raġunijiet. (Dewteronomju 26:10, 11; Salm 32:11; Proverbji 5:15-19; Koħèlet 3:22; 11:9) Il-​Bibbja tirrikonoxxi wkoll li l-​ikel u x-​xorb huma assoċjati mal-​ferħ.—Salm 104:15; Koħèlet 9:7a.