Għanja 155

“Agħtu Merħba lil Xulxin”!

(Rumani 15:7)

1. Lil xulxin ilqgħu bħalma Kristu takom merħba sew!

La Kristu miet għal ħuk żgur tilqgħu int ukoll tassew.

Hekk il-​matur u l-​qawwi ħalli jgħin uħud dgħajfin,

Ngħinuhom f’Alla jittamaw, minnu jkunu mgħallmin.

Għax dak li nkiteb mill-​profeti ilu ħafna żmien

Jistaʼ, bis-​sabar sod li nuru, jgħaqqadna flimkien.

Mela ejjew nikkuntentaw mhux dejjem lilna stess,

Iva, dejjem inqisu wkoll taʼ ħutna l-​interess.

2. Jehovah qiegħed jiġbor nies biex qatt ma jiggwerraw.

Wasal iż-​żmien biex b’Ibnu paċi fl-​art żgur ikun haw’.

Minn kull ġens u tribù u lsien, jiġbed kull tip taʼ nies,

U fl-​imħuħ u fi qlubhom jiżraʼ l-​Liġi b’ferħ bla qies.

Bi glorja ’l Alla nagħtu merħba lil kulħadd qegħdin

Bla ebda distinzjoni lil kull xorta taʼ bnedmin.

Li nikkupjaw ’l Alla fl-​imħabba hu privileġġ kbir;

Hekk kif nixbhu lil Ibnu, il-​qalb tagħna kbira ssir.

3. Mela ejjew inħeġġu n-​nies ifaħħru ’l Jah, s-​Sultan,

Billi mal-​ġens li ġabar jgħannu tifħir b’kant ferħan.

Għal dak il-​għan nipproklamaw, fi djar u fit-​triqat,

L-​aħbar li żgur Jehovah sejjer jaqtagħ’lna x-​xewqat.

Dan l-​unur li nfaħħru ’l Alla hekk ma jerġax ikun.

Dawn vera huma l-​aħħar jiem għal kulmin hu brikkun.

Mela ejjew inħobbu ’l ħutna w ’l Alla nimitaw;

Lil xulxin nagħtu merħba: dan hu l-​kmand li ningħataw.