Aħna x-Xhieda taʼ Ġeħova!

1. Statwi jqimu n-nies tal-ġnus,

L-Alla l-veru mhux meqjus.

Dak li Jistaʼ Kollox,

Wera l’hu glorjuż.

L-allat l-oħra bla valur

Ma jafux x’ġej fil-futur.

Lix-xhieda tagħhom ma jsibuhomx,

Għax setgħa t’Alla dawn m’għandhomx.

2. Ismu b’ħeġġa inxandruh,

Bi kburija fama ntuh.

U l-messaġġ tas-Saltna

Bil-kuraġġ naqsmuh.

B’hekk oħrajn jaraw qegħdin

Li bil-verità ħelsin.

Hekk kif jissaħħu b’ilħna tant sbieħ

Magħna jingħaqdu f’kant taʼ ġieħ.

3. ’L Alla nfaħħru bix-xandir,

Jindaf ismu mit-tmaqdir

Waqt li nwissu l-ħżiena

Li jtuh tant tkażbir.

Jaħfer lin-nies Alla jrid,

Jekk iduru lejh mill-ġdid.

B’hekk l-ippritkar iġib ferħ u sliem,

B’tama li ngħixu lkoll bla tmiem!