Intejbu l-​abbiltajiet tagħna fil-​ministeru—Nagħtu xhieda f’territorju tan-​negozju

Għala hu importanti: Ħafna nies jaħdmu sigħat twal. Għalhekk, spiss l-​aħjar mod biex insibuhom ħalli ngħidulhom il-​messaġġ tas-​Saltna hu billi nagħtuhom xhieda fuq il-​post tax-​xogħol tagħhom. Li nagħtu xhieda f’territorju tan-​negozju jistaʼ jkun pjaċevoli u produttiv, għax dejjem insibu lil xi ħadd u l-​ħaddiema għandhom tendenza li jkunu edukati maʼ dawk li jaħsbu li jistgħu jkunu klijenti ġodda. Sabiex il-​pubblikaturi jkunu effettivi, għandhom jużaw l-​għaqal u t-​tattika, u anki jkunu eżemplari fl-​ilbies u d-​dehra tagħhom. (2 Kor. 6:3) Għaldaqstant, l-​indokratur tas-​servizz jeħtieġ li joqgħod attent ħafna kemm spiss qed jinħadem it-​territorju tan-​negozju u minn min.