Minn Settembru, il-​Fuljett għall-​Istudju tal-​Laqgħa tal-​Ħajja u l-​Ministeru Tagħna se jinkludi preżentazzjoni ġdida bit-​titlu “Għallem il-​verità.” Il-​mira tagħna se tkun li nenfasizzaw verità bażika mill-​Bibbja billi nużaw mistoqsija u skrittura.

Jekk ninnotaw li hemm interess, aħna nistgħu nqanqlu l-​entużjażmu għaż-​żjara li jmiss billi nħallu xi pubblikazzjoni jew nuru vidjow minn fuq jw.org/mt. Għandna nipprovaw nerġgħu mmorru wara ftit ġranet biex nibnu fuq id-​diskussjoni taʼ qabel. Il-​preżentazzjonijiet ġodda u t-​taħditiet li se jkollhom l-​istudenti se jkunu bbażati fuq ir-​reviżjonijiet tal-​kapitli tal-​ktieb X’Nistgħu Nitgħallmu mill-​Bibbja? Hemmhekk nistgħu nsibu mistoqsijiet oħra u skritturi li jgħinuna nagħmlu żjajjar lura jew nikkonduċu studju billi nużaw il-​Bibbja.

Hemm biss triq waħda li twassal għall-​ħajja. (Mt 7:13, 14) Peress li nitkellmu maʼ nies li għandhom reliġjon u ċirkustanzi differenti, aħna għandna nippreżentaw il-​veritajiet tal-​Bibbja b’mod li nilħqulhom qalbhom. (1Ti 2:4) Hekk kif insiru aktar familjari maʼ suġġetti differenti tal-​Bibbja u ntejbu l-​abbiltà tagħna f’li ‘nimmaniġġaw sew il-​kelma tal-​verità,’ il-​ferħ tagħna se jiżdied, u se jkollna suċċess f’li ngħallmu l-​verità lil oħrajn.—2Ti 2:15.

Nies madwar id-​dinja kollha għandhom bżonn il-​faraġ. (Ek 4:1) Matul ix-​xahar kollu taʼ Settembru, aħna se nagħmlu sforz speċjali biex noffru It-​Torri tal-​Għassa, li se jkun fuq is-​suġġett tal-​faraġ. Ejja nipprovaw noffru din ir-​rivista lil kemm jistaʼ jkun nies. Però, peress li nixtiequ li nitkellmu direttament man-​nies biex infarrġuhom, aħna mhux se nħallu r-​rivista fejn ma nsibu lil ħadd id-​dar.

X’TISTAʼ TGĦID

“Minn żmien għal żmien, kulħadd ikollu bżonn il-​faraġ. Imma fejn nistgħu nsibuh? [Aqra t-​2 Korintin 1:3, 4.] Din il-​ħarġa tat-​Torri tal-​Għassa tikkunsidra kif Alla jipprovdilna l-​faraġ.”

Jekk il-​persuna turi interess u taċċetta r-​rivista, . . .

URI L-​VIDJOW GĦALA GĦANDEK TISTUDJA L-​BIBBJA?

Imbagħad offri studju tal-​Bibbja.

WITTI T-​TRIQ GĦAL ŻJARA LURA

Staqsi mistoqsija li int se twieġeb meta terġaʼ tmur, bħal “Alla għala jippermetti t-​tbatija?”