Nissaportu sat-tmiem

1. B’kull wegħda t’Alla w Kelmtu wkoll

Tistabar tistaʼ int.

Tamitna żgura, soda hi,

Kemm fraħt xħin dwarha tgħallimt!

Żomm dejjem f’moħħok t’Alla l-​jum;

Hekk il-​fidi qatt ma tmut.

La twarrab qatt l-​integrità;

Bil-​provi tkun irfinut.

2. L-​imħabba illi kellek int

Fil-​bidu la titlaqx.

Żomm sod f’kull prova tkun xi tkun;

B’kuraġġ int stabar tiqafx.

Tibżax; għad-​dubji iċċedix.

Taqtax qalbek fit-​tiġrib.

Ġeħova se jeħilsek żgur;

Ħa jkun Alla dejjem qrib.

3. Min jissaporti dritt sat-​tmiem

Se jiġi żgur salvat.

Fil-​ktieb tal-​ħajja ismu jżomm;

Għemilu jkun żgur premjat.

Is-​sabar mira jkun għalik;

Ħallih xogħlu jwettaq fik.

Tħoss lil Ġeħova japprovak;

Dal-​ħsieb, bil-​ferħ żgur jimliek.