¹ Jehovah hu “missier l-​iltiema.” (Salm 68:6 [68:​5, NW]) It-​tħassib tiegħu għall-​ġid tagħhom jintwera f’dan il-​kmand li ta lill-​ġens taʼ Iżrael tal-​qedem: “La taħqrux l-​armla jew l-​iltim; għax jekk taħqruhom, u huma jsejjħuli, jien żgur nismagħha l-​għajta tagħhom.” (Eżo. 22:​21, 22 [22:​22, 23, NW]) Fil-​Liġi t’Alla kien hemm ukoll arranġamenti biex jgħinu lil uħud bħal dawn fil-​bżonnijiet materjali tagħhom. (Dt. 24:​19-21) Fl-​arranġament Kristjan, aduraturi veri huma mħeġġin “[‘li jieħdu ħsieb,’ NW] l-​iltiema u r-​romol fl-​hemm tagħhom.” (Ġak. 1:27) Kif nistgħu nimitaw l-​interess kollu mħabba taʼ Jehovah lejn dawk li qed jgħixu ġo familji b’ġenitur wieħed jew maqsumin reliġjożament?

X’Nistgħu Ngħidu dwar ir-​Rivisti

It-​Torri taʼ l-​Għassa 15 taʼ Nov.

“Xi wħud jiddubitaw dwar jekk għandniex bżonn il-​knejjes jew it-​tempji biex inqimu ’l Alla. Inti x’taħseb? [Agħti ċans għal tweġiba.] Innota x’tgħid il-​Bibbja dwar dan is-​suġġett. [Aqra Atti 17:24.] Allura, liema skop għandhom il-​postijiet għall-​qima? Din ir-​rivista tagħti tweġiba Skritturali għal din il-​mistoqsija.”

It-​Torri taʼ l-​Għassa 1 taʼ Diċ.

“Illum il-​ġurnata, kważi kulħadd qed jissielet biex ilaħħaq mal-​finanzi. L-​istess huwa minnu dwar il-​knejjes, u dawn saru jittallbu għall-​flus b’mod iktar persistenti minn qatt qabel. Idejqek dan? [Agħti ċans għal tweġiba. Imbagħad aqra l-​1 Tessalonikin 2:9.] It-​Torri taʼ l-​Għassa jurina x’tgħid il-​Bibbja dwar dan.”

Stenbaħ! 8 taʼ Diċ.

“Minħabba t-​theddid terroristiku, ħafna jiddubitaw jekk l-​ivvjaġġar bl-​ajru huwiex ħieles mill-​periklu. Tinkwieta int dwar dan? [Agħti ċans għal tweġiba.] Il-​Bibbja tirrikonoxxi li ħadd m’hu ħieles minn xi diżgrazzja. [Aqra Koħèlet 9:11.] Madankollu, din il-​ħarġa taʼ Stenbaħ! tittratta dwar kif int jistaʼ jkollok iktar sigurtà u kumdità meta tivvjaġġa bl-​ajru.”