“Ħlas perfett mingħand Ġeħova”

1. Ġeħova leali u jagħti kas dawk

Li b’qalb sħiħa lilu jaqduh.

Hu jaf li hemm bżonn sagrifiċċji mill-​qalb

Għax dawn b’żelu kbir iħobbuh.

Jekk int tlaqt id-​dar jew familja jew ħbieb,

Ġeħova jaf b’dan, tinsa qatt.

Ipatti bis-​sħiħ issa b’ħutna l-​għeżież

U b’ħajja taʼ dejjem dalwaqt.

2. Kultant din id-​dinja tgħejjina ilkoll

It-​toqol li nġorru hu tqil.

L-​inkwiet taʼ dil-​ħajja iġib l-​ansjetà

U nħossu li għandna stress kbir.

Biss Alla l-​Farraġ żgur jaf b’kulm’għandek bżonn,

Int taf li hu jisma’ it-​talb.

Bl-​ispirtu, il-​Bibbja, u l-​ħbieb li jgħożżuk

Se jħarsek u jfarrġek mill-​qalb.