LEZZJONI 17
X’Tip taʼ Persuna Hu Ġesù?
Minn dak li qal u għamel Ġesù fuq l-art, nistgħu nitgħallmu l-kwalitajiet sbieħ li għandu. Minħabba dawn il-kwalitajiet, se nkunu rridu nsiru nafu lil Ġesù u lil Missieru Ġeħova aħjar. X’inhuma xi ftit minn dawn il-kwalitajiet? Kif nistgħu nimitaw lil Ġesù f’ħajjitna?
1. Ġesù kif jixbah lil Ġeħova?
Ġesù għex għal biljuni taʼ snin fis-sema. Matul dak iż-żmien kollu, hu tgħallem mingħand Missieru. Minħabba f’hekk, hu jaħseb, iħoss, u jagħmel l-affarijiet bħal Missieru. (Aqra Ġwanni 5:19.) Ġesù tant jimita l-kwalitajiet taʼ Ġeħova li qal: “Min ra lili ra wkoll lill-Missier.” (Ġwanni 14:9) Meta titgħallem dwar il-personalità taʼ Ġesù, int se ssir taf iżjed lil Ġeħova. Pereżempju, il-mod kif Ġesù kien jimpurtah min-nies juri kemm Ġeħova jimpurtah minnek.
2. Ġesù kif wera li jħobb lil Ġeħova?
Ġesù qal: ‘Sabiex id-dinja tkun taf li jien inħobb lill-Missier, bħalma ordnali l-Missier qed nagħmel.’ (Ġwanni 14:31) Meta kien fuq l-art, Ġesù wera li kien iħobb lil Missieru billi obdieh anki f’sitwazzjonijiet diffiċli. Hu kien iħobb jitkellem dwar Missieru u jgħin lil oħrajn biex isiru jafuh.—Ġwanni 14:23.
3. Ġesù kif wera li jħobb lin-nies?
Il-Bibbja tgħid li Ġesù kien iħobb ħafna lin-nies. (Proverbji 8:31) Hu wera din l-imħabba billi dejjem inkuraġġixxa u għen lin-nies. Il-mirakli li għamel ma wrewx biss il-qawwa li kellu, imma anke kemm kien jinteressah min-nies. (Marku 1:40-42) Hu dejjem kien qalbu tajba maʼ oħrajn u tratta lil kulħadd l-istess. B’dak li qal, kien jgħin lin-nies biex iħossuhom aħjar u jagħti tama lil kull min kien jixtieq jismaʼ. Ġesù jħobb lin-nies kollha għax kien lest li jbati u jmut għalihom. Imma b’mod speċjali jħobb lil dawk li lesti li jisimgħuh u jobduh.—Aqra Ġwanni 15:13, 14.
TGĦALLEM IŻJED
Sir af iktar il-kwalitajiet taʼ Ġesù, u kif tistaʼ timita l-imħabba u l-ġenerożità tiegħu.
4. Ġesù jħobb lil Missieru
Mill-eżempju taʼ Ġesù nistgħu nitgħallmu kif nuru li nħobbu lil Alla. Aqra Luqa 6:12 u Ġwanni 15:10; 17:26. Wara li taqra kull vers, iddiskuti:
Kif nistgħu nimitaw lil Ġesù u nuru li nħobbu lil Ġeħova?
Ġesù kien iħobb lil Missieru Ġeħova u kien jitkellem miegħu fit-talb
5. Ġesù jimpurtah min-nies
Ġesù kien jimpurtah minn oħrajn iżjed minnu stess. Anki meta kien għajjien, hu uża l-ħin u l-enerġija tiegħu biex jgħin lin-nies. Aqra Marku 6:30-44, u mbagħad iddiskuti:
6. Ġesù ġeneruż
Avolja Ġesù ma tantx kellu affarijiet, hu kien jaqsam dak li kellu m’oħrajn. Hu jgħallimna nkunu ġenerużi wkoll. Aqra Atti 20:35, u mbagħad iddiskuti:
Skont Ġesù, kif nistgħu nkunu ferħanin?
Ara l-VIDJOW, u mbagħad iddiskuti l-mistoqsija.
Kif nistgħu naqsmu dak li għandna m’oħrajn avolja ma jkollniex ħafna flus?
Kont taf?
Il-Bibbja tgħallimna li għandna nitolbu lil Ġeħova f’isem Ġesù. (Aqra Ġwanni 16:23, 24.) Meta nitolbu b’dan il-mod, inkunu qed nuru li napprezzaw dak li Ġesù għamel biex jgħinna nsiru ħbieb taʼ Ġeħova.
ĦAFNA JGĦIDU: “Alla ma jimpurtahx meta nbatu.”
Dak li għamel Ġesù fuq l-art, kif juri li Ġeħova jimpurtah minna?
XI DDISKUTEJNA?
Ġesù jħobb lil Ġeħova u lin-nies. Ġesù jagħmel l-affarijiet bħal Missieru. Allura, iżjed ma ssir taf lil Ġesù, iżjed se ssir taf lil Ġeħova.
X’Tgħallimt
Kif nistgħu nuru li nħobbu lil Ġeħova bħalma għamel Ġesù?
Kif nistgħu nuru li nħobbu lil oħrajn bħalma għamel Ġesù?
Liema kwalitajiet li għandu Ġesù jogħġbuk l-iżjed?
ARA IŻJED
Ara liema kwalitajiet taʼ Ġesù tistaʼ timita.
“Biex timita lil Ġesù, . . .” (Ġesù—It-triq, il-verità, u l-ħajja, paġna 317)
Tgħallem għala għandna nitolbu f’isem Ġesù.
“Għala Nitolbu f’Isem Ġesù?” (It-Torri tal-Għassa, April-Ġunju, 2008)
Titkellem il-Bibbja dwar kif kien jidher Ġesù?
X’nistgħu nitgħallmu minn kif Ġesù kien jittratta lin-nisa?
“Alla Jrid li n-Nisa Jiġu Rrispettati” (Artiklu minn Torri tal-Għassa)