Inkuraġġixxu lil xulxin

1. Jekk aħna lil xulxin inħeġġu

Biex naqdu ’l Alla lkoll sat-​tmiem,

Ir-​rabta taʼ mħabbitna nsaħħu;

Għemejjel tajba jġibu s-​sliem.

L-​imħabba fost il-​poplu t’Alla

Tqawwina ferm biex ma nċedux.

Refuġju hi l-​kongregazzjoni;

Hemm f’nofsha biżaʼ ma nħossux.

2. Il-​kelma meta tingħad f’waqtha,

Kemm hi sabiħa għall-​widnejn!

Dal-​kliem taʼ faraġ li nisimgħu,

Minn ħbieb leali ikun ġej.

Xi ġmiel li naħdmu flimkien m’aħwa

Bl-​istess tamiet u miri lkoll!

Ħa nġorru t-​toqol t’għeżież ħutna

U nsaħħu lil xulxin ukoll.

3. Waqt li naraw bl-​għajnejn tal-​fidi

Kemm jum Ġeħova hu viċin,

M’għandniex ninsew il-​laqgħat tagħna,

Ħa nkomplu sod fit-​triq mexjin.

Mal-​poplu taʼ Ġeħova rridu

Li naqdu għall-​eternità,

U lil xulxin ninkuraġġixxu

Biex nibqgħu sħaħ fl-​integrità.