GĦANJA 138
Sbuħija fix-xagħar griż
Edizzjoni Stampata
1. Fostna hawn insibu lil
Ħutna kbar fl-età.
Qed jistabru magħna wkoll;
Juru fedeltà.
Hemm min romol kif ukoll
Saħħtu llum battiet.
Jah, jekk jogħġbok, saħħaħ int
Tagħhom it-tamiet.
(RITORNELL)
Int, Missier, tiftakar
X’fidi wrew bla għadd.
Aċċert’hom, jekk jogħġbok:
“Xogħ’lkom minni stmat!”
2. Ferm sabiħ hu ix-xagħ’r griż
Jekk fis-sew jinstab.
Dawk leali huma sbieħ;
Lilhom Alla jaf.
Jalla lkoll niftakru dan:
Darba kienu żgħar.
Meta s-saħħa kellhom dawn,
Huma taw l-aħjar.
(RITORNELL)
Int, Missier, tiftakar
X’fidi wrew bla għadd.
Aċċert’hom, jekk jogħġbok:
“Xogħ’lkom minni stmat!”
(Ara wkoll Salm 71:9, 18; Prov. 20:29; Mt. 25:21, 23; Lq. 22:28; 1 Tim. 5:1.)