“Tant Aħna Grati!”

“JIEN ċerta li l-​artikli taʼ l-​Awake! fuq il-​puplesiji [8 taʼ Frar, 1998] kienu taʼ għajnuna kbira biex ommi ssalva ħajjitha,” kitbet Carol, f’ittra lill-​uffiċċju tal-​fergħa tax-​Xhieda taʼ Jehovah fil-​Kanada. Ommha kienet ħasset idha x-​xellugija qisha mtarrxa, u sa l-​għada fil-​għodu beda jkollha problemi fil-​vista. “Hi riedet tistenna sa l-​għada biex tara t-​tabib tagħha,” tispjega Carol, “u għalhekk ħeġġiġtha kemm flaħt biex taqra l-​artikli taʼ l-​Awake! li kienu jittrattaw fuq il-​puplesiji. F’temp taʼ kwarta ċemplitli lura, u qaltli li aħjar tmur sa l-​isptar. It-​tobba żammewha dak il-​lejl għall-​osservazzjoni. Il-​ġurnata taʼ wara huma kkonfermaw li kienu tawha xi żewġ puplesiji taʼ twissija, u qalu li kien għaqli min-​naħa tagħha li marret l-​isptar meta marret. Tant aħna grati għal din is-​serje t’artikli!”

Għandek mnejn tkun sorpriż meta ssir taf li l-​Bibbja fiha gwida prattika li tippromwovi kemm is-​saħħa fiżika u kemm dik mentali. Dan il-​fatt huwa enfasizzat fil-​browxer interessanti ferm taʼ 32 paġna intitolat Ktieb għan-​Nies Kollha, f’paġni 20 u 21 kif ukoll f’paġni 25 u 26. Int tistaʼ titlob kopja billi timla u timposta l-​kupun t’hawn taħt fl-​indirizz provdut fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​browxer Ktieb Għan-​Nies Kollha. Indika b’liema lingwa

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.