Qegħdin Uliedek Jużaw l-​Internet?

FI KWALUNKWE ħin, miljuni taʼ żgħażagħ jinsabu fuq l-​Internet, kemm jekk id-​dar, l-​iskola, għand xi ħabib, jew—jekk ikollhom aċċess għall-​Internet fit-​telefon ċellulari jew f’apparat li jġorruh magħhom—kważi kullimkien. Jekk int ġenitur, qed tiffaċċja realtà li ġġiegħlek taħseb: X’aktarx li wliedek isibuha iktar faċli minnek biex jużaw l-​Internet, u huma saħansitra jafu kif jaħbulek x’inhuma jagħmlu meta jkunu fuq l-​Internet.

Għandu dan jinkwetak? Dażgur! Hija s-​sitwazzjoni bla tama? Lanqas xejn! Huwa minnu li donnu li fejn jidħol l-​Internet, uliedek huma l-​professuri u int l-​istudent. Imma xorta waħda tistaʼ titgħallem l-​affarijiet bażiċi dwaru. U m’għandekx għalfejn issir espert f’kulma hu elettroniku sabiex tipproteġi s-​sigurtà taʼ wliedek.

Din is-​serje t’artikli se tipprovdilek xi għodod t’għajnuna. Però, l-​ewwel, ejja neżaminaw ftit mill-​perikli li jistgħu jiffaċċjaw uliedek fuq l-​Internet.

[Kumment f’paġna 3]

Fil-​Kanada kważi nofs iż-​żgħażagħ li għandhom it-​telefon ċellulari jistgħu jużawh biex jidħlu fl-​Internet