Kun Kuraġġuż

Dak li Għamel Ġesù

VIDJOW: Ġesù Jagħti Parir lil Żagħżugħ Sinjur

1. Ara l-VIDJOW jew aqra Marku 10:​17-22. Imbagħad aħseb sew dwar il-mistoqsijiet li ġejjin:

1. a. Ġesù liema kwalitajiet tajbin setaʼ ra fiż-żagħżugħ sinjur?

2. b. Ġesù għala kellu bżonn l-imħabba u l-kuraġġ biex jagħtih parir?

X’Nitgħallmu minn Ġesù?

2. Irridu nuru l-imħabba, imma rridu wkoll nispjegaw b’mod ċar lill-istudent x’għandu jagħmel biex ikabbar il-ħbiberija tiegħu maʼ Ġeħova.

Imita lil Ġesù

3. Għin lill-istudent jagħmel miri u jilħaqhom.

1. a. Uża l-parti “Ipprova Dan” li hemm f’kull lezzjoni tal-ktieb Għix Ħajja Ferħana għal Dejjem!

2. b. Għin lill-istudent jifhem x’għandu jagħmel biex jilħaq miri żgħar u miri kbar.

3. ċ. Faħħar lill-istudent spiss għall-progress li jkun qed jagħmel.

4. Ipprova sir af għala l-istudent tiegħek mhux jagħmel progress u għinu jegħleb l-isfidi li jkollu.

1. a. Staqsi lilek innifsek:

   • ‘X’inhi r-raġuni li l-istudent mhux jagħmel progress biex jasal għall-magħmudija?’

   • ‘X’nistaʼ nagħmel biex ngħinu?’

2. b. Itlob għall-kuraġġ biex titkellem miegħu b’mod ċar u bi mħabba turih x’għandu bżonn jagħmel.

5. Jekk l-istudent mhux jagħmel progress waqqaf l-istudju.

1. a. Staqsi lilek innifsek il-mistoqsijiet li ġejjin biex tkun taf għandekx twaqqaf l-istudju:

   • ‘L-istudent qed japplika dak li qed jitgħallem?’

   • ‘Jattendi l-laqgħat u jitkellem dwar dak li qed jitgħallem m’oħrajn?’

   • ‘Jekk ilu jistudja għal żmien twil, irid isir wieħed mix-Xhieda taʼ Ġeħova?’

2. b. Jekk student tal-Bibbja mhux lest li jagħmel progress:

   • Ipprova għinu jara x’qed iżommu lura.

   • Bi mħabba spjegalu għala se twaqqaf l-istudju.

   • Spjegalu x’għandu jagħmel jekk jixtieq ikompli jistudja.