In-​nies għala jitolbu?

Hu parti minn ħajtek it-​talb? Għal ħafna nies hu, anke għal xi atei. Imma n-​nies għala jitolbu? Skont stħarriġ li sar fi Franza, nofs iċ-​ċittadini Franċiżi jitolbu jew kultant jimmeditaw “sempliċement biex iħossuhom aħjar.” Bħal ħafna Ewropej, huma ma jitolbux f’sens reliġjuż. Minflok, huma jfittxu “l-​effett li jikkalma tat-​talb.” Mill-​banda l-​oħra, xi kredenti jduru lejn Alla meta jkunu fil-​bżonn biss u jippretendu tweġiba fil-​pront għat-​talb tagħhom.—Isaija 26:16.

Xi ngħidu għalik personalment? Taħseb li t-​talb hu sempliċement mezz biex tirranġa ħsibijietek? Jekk int temmen f’Alla, tara l-​effetti tat-​talb f’ħajtek? Jew jidhirlek li talbek ma jinstemax? Il-​Bibbja tistaʼ tgħinek tħares lejn it-​talb bħala mezz prezzjuż biex tersaq qrib lejn Alla, u mhux biex tħossok aħjar.