Affarijiet Koroh li Ġġib il-Gwerra
Waħda mill-agħar affarijiet li jistaʼ jiġrilek f’ħajtek hi li tgħix f’pajjiż fejn hemm il-gwerra. Suldati u nies li esperjenzawha jafu kemm hi kerha u tal-biżaʼ.
SULDATI
“Il-ħin kollu tara nies jinqatlu jew iweġġgħu serjament. Qatt ma tħossok safe.”—Gary, il-Brittanja.
“Laqtuni f’dahri u f’wiċċi bil-bullets u rajt ħafna nies imutu, inkluż tfal u xjuħ. Il-gwerra ġġiegħlek ma tibqax tħoss għal oħrajn.”—Wilmar, il-Kolombja.
“Meta jisparaw lil xi ħadd quddiemek, tibqaʼ tara u tismaʼ lil dik il-persuna tbati. Diffiċli biex tneħħiha minn moħħok u qatt ma tinsieha.”—Zafirah, l-Istati Uniti.
NIES TAL-PAJJIŻ
“Ħassejtni li qatt ma stajt nerġaʼ nkun ferħana. Kont nibżaʼ li mmut imma kont nibżaʼ iktar li jmutu tal-familja u l-ħbieb tiegħi.”—Oleksandra, l-Ukrajna.
“Tal-biżaʼ li trid toqgħod tistenna għall-ikel fil-kju mis-sagħtejn taʼ filgħodu sal-ħdax taʼ billejl u fl-istess ħin ma tafx jekk hux se jisparawlek.”—Daler, it-Taġikistan.
“Il-gwerra ħallietni mingħajr ġenituri. Spiċċajt orfni u ma kelli lil ħadd min jieħu ħsiebi u jgħinni nħossni aħjar.”—Marie, ir-Rwanda.
Għalkemm dawn in-nies batew minħabba l-gwerra, irnexxielhom isibu l-paċi. Barra minn hekk, huma ċerti li l-gwerer kollha dalwaqt se jispiċċaw. F’dan It-Torri tal-Għassa se nispjegaw kif dan se jiġri billi nużaw il-Bibbja.