Watchtower LAIBULALE YA PA INTANETI
Watchtower
LAIBULALE YA PA INTANETI
Cinamwanga
  • BAIBOLO
  • AMABUKU
  • UKULONGANA
  • Mateyo 2
  • Baibo Mateyo-Ukuwumbulika

Musi e vidyo yino mukuvwamba.

Mututetele tekuli intazi yapotwa ukuleta vidyo.

Vino Vyawa mwe Mateyo

      • Wano wamanyile ivya ntanda waya mukulolu mwana (1-12)

      • Wasamalila ku Egypt (13-15)

      • Herodi wakoma awana awonsi (16-18)

      • Wanyocelamo ku Nazareti (19-23)

Mateyo 2:1

Ivyewo Ivilundwepo

  • *

    Nanti “wano wakalola intanda pakumanya vino vyandi vicitike nanti vino vilicika ku nkolelo.”

Ivyewo Vinji

  • Ica Kwavwa Inte zya kwe Yehova

    Ungikala Amanda Pe!, isambililo 15

Mateyo 2:2

Ivyewo Ivilundwepo

  • *

    Nanti “ukumukontamila.”

Mateyo 2:4

Ivyewo Ivilundwepo

  • *

    Nanti “Mesiya, umupakwe.”

Mateyo 2:8

Ivyewo Ivilundwepo

  • *

    Nanti “ukumukontamila.”

Mateyo 2:11

Ivyewo Ivilundwepo

  • *

    Nanti “ukumukontamila.”

  • *

    Vyo-o ivinuncile viwili vyalinji, we Muri ni vinuncile ivitiswe.

Mateyo 2:13

Ivyewo Ivilundwepo

  • *

    Lolani Ivyewo na Vinji pa A5.

Mateyo 2:15

Ivyewo Ivilundwepo

  • *

    Lolani Ivyewo na Vinji pa A5.

Mateyo 2:19

Ivyewo Ivilundwepo

  • *

    Lolani Ivyewo na Vinji pa A5.

Mateyo 2:20

Ivyewo Ivilundwepo

  • *

    Nanti “uwumi wa mwana.”

Mateyo 2:23

Ivyewo Ivilundwepo

  • *

    Ncepamwi ukufuma kwi zwi lya Ciheberi ilyakuti “ukupuka.”

  • Baibo Mateyo-Ukuwumbulika
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
Baibo Mateyo-Ukuwumbulika
Mateyo 2:1-23

Ukulingana ne Mateyo

2 Yesu wakwasilwe mukaya ka Betelehemu mu Yudeya lyo Herodi awili mfumu. Paponye awonsi wano wamanyile ivya ntanda* awiza ku Yerusalemu, 2 nu kuwuzya ukuti: “Ali kwinye umwana wino akwasilwe wino aliwa Amfumu ya wa Yuda? Amuno pano twalinji kuno ilanzi likafumilila twaweni ulutanda lwakwe. Acino twiza ukuti tumupe umucinzi.”* 3 Yalile Imfumu Herodi na wantu wonsinye awa mu Yerusalemu wivwa pa kwe co-o, awasakamala nkaninye. 4 Nga Herodi alonganika wasimapepo wakulu na wano wasambilizyanga amasundo, nu kuwakolowozya kuno Klistu* walinji nu kukwatilwa. 5 Awamunena awati: “Mu Betelehemu wa mu Yudeya. Amuno wonye avino e kasesema walemvile. Watili: 6 ‘Wewenye Betelehemu we wa munsi ya Yuda, intunguluzi zyonsinye izya mu Yuda zitazipizile zyakulola ukuti utacindama, amuno mwewewe amuno mulifuma wino alitungulula awantu wane awina Israeli.’”

7 Herodi apunda wano wamanyile ivya ntanda, awasenda ku mbali nu kuwakolowozya pakuti amanye impindi yino ulutanda lwalolesile. 8 Awanena ati: “Yanji ku Betelehemu muye mukavwambilizye sana kuno kuli weyo umwana. Nga mwamuzana mwize munene pakuti naninye njize nkamupe umucinzi.* 9 Yalile imfumu yamala vye ukulanda, awatalika nu wulendo wakuya ku Betelehemu. Ulutanda luno waweni pano walinji kuno kukafumilila ilanzi lwatalisile ukuwatungulula. Mpaka lwiza lwafika pa ng’anda pano palinji umwana. 10 Walile walola ulutanda lwaya lwimilila, awasecelela nkaninye. 11 Awafika nu kwinjila mu ng’anda, awafukama nu kumupa umucinzi.* Awafumya ivyawupe vino wamuletezile pano palinji, e Goldi ni vintu viwili ivinuncile nkaninye.* 12 Nomba pakunyocelamo ku mwawo, wapisile inzila yinji. Amuno Leza wawasosile mu ciloto ukuti watize wanyocele kwe Herodi.

13 Walile wa-a awantu wapita, umungeli wa kwe Yehova* alolecela kwe Jozefu mu ciloto, amunena ati: “Katuka, senda umwana ne mama wakwe musamalile ku Egypti. Mwize mukikale kulyanye mpaka njize nkunene ukuti fumako. Amuno Herodi wandi atalike ukuvwamba umwana pakuti amukome.” 14 Jozefu akatuka uwusikunye asenda umwana ne mama wakwe awapita ku Egypti. 15 Wayile awikala kulyanye mpaka pano Herodi wafwile. Co-o caficilisizye cino Yehova* wanenile kasesema wakwe ukulanda. Watili: “Nisile umwana wane ukuti afume mu Egypti.”

16 Walile Herodi walola kuno wano wamanya ivya ntanda wamuwipa, wafuzilwe nkaninye. Watumile awakuya mukukoma awana awonsi awa myaka yiwili nu kwiza pansi. Wonsinye wano walinji mu Betelehemu, na mu twaya tunji tuno twalinji mupipi. Wakonsile impindi yilyanye yino wano wamanyile ivya ntanda wamunenile ukuti apano lwalolesile. 17 Apano vyaficilisizye vino Leza walanzile ukupitila mwe kasesema Yeremiya ukuti: 18 “Wivwile wumwi akulosya nkaninye mu Rama. We Rakelo walosyanga awana wakwe, swinya atalondanga uwili wensinye uwakumusansamusya. Amuno awana wakwe wafwile.”

19 Pansizi ya mfwa ya kwe Herodi lyo Jozefu acili mu Egypti, umungeli wa kwe Yehova* alolecela kwe weliwe mu ciloto, 20 amunena ati: “Katuka, senda umwana ne mama wakwe, munyocele ku Israeli. Amuno wano wavwambanga ukumukoma* wafwa. 21 Jozefu akatuka nu kusenda umwana ne mama wakwe awanyocela ku Israeli. 22 Walile Jozefu wivwa ukuti e Akelawo awino wapyanile yisi pa wufumu mu Yudeya, watinile ukuyako. Ne pa mulandu wakuti lyo Leza amusosile kaali mu ciloto, wasozilepo ukuya ku Galili. 23 Wayile aficila mu Nazareti amuno atalika ukwikala, pakuti aficilisye cino wakasesema walanzile ukuti: “Aliyitwa ukuti umwina Nazareti.”*

Cinamwanga Publications (2008-2025)
Fumani
Injilani
  • Cinamwanga
  • Tumilaniko Wanji
  • Apakuvwambila
  • Copyright © 2025 Watch Tower Bible and Tract Society of Pennsylvania
  • Amasundo ni Miwomvezye
  • Ukusunga Inkama
  • Ukuzifya Amasundo pa Kusunga Inkama
  • JW.ORG
  • Injilani
Tumilaniko Wanji